පාසැල්

බස්නාහිර පළාත් ආණ්ඩුකාර කාර්යාලය පවසන්නේ පවතින කාළගුණ තත්ත්වය යහපත් නොවීම මත කොළඹ දිස්ත්‍රික්කයේ කොටිකාවත්ත සහ කොලොන්නාව අධ්‍යාපන කලාපවල පාසල් හෙට (06) දිනයෙත් වසා තැබීම කටයුතු කරන බවයි.

එම කාර්යාලය වැඩිදුරටත් පවසන්නේ බස්නාහිර පළාත තුළ සුරක්ෂිතතා මධ්‍යස්ථාන පවතින පාසල් ද හෙට දිනයේ නොපැවැත්වෙන බවයි.

දකුණු පළාත් අධ්‍යාපන ලේකම්වරයා සඳහන් කළේ ගාල්ල සහ මාතර දිස්ත්‍රික්කවල සියලුම පාසල් හෙට දිනයේ ආරම්භ වන බවයි.

එහිදී ලේකම්වරයා වැඩිදුරටත් සඳහන් කළේ දැනට ගංවතුර තර්ජනයට ලක්ව ඇති සහ අවතැන් කඳවුරු ලෙස භාවිතා කරනා පාසල් සඳහා මෙය අදාල නොවන බවයි.

දකුණු පළාත් ආණ්ඩුකාර ලක්ෂ්මන් යාපා අබේවර්ධන නිවේදනයක් නිකුත්කරමින් කියාසිටියේ පවතින අයහපත් කාලගුණ තත්වය හේතුවෙන් ගාල්ල සහ මාතර දිස්ත්‍රික්කයන්හි සියළුම ජාතික හා පළාත් පාසල් 04 සහ 05 දෙදින තුල තවදුරටත් වසා දැමීමට තීරණය කළ බවයි.

පවතින ජල ගැලීම් මට්ටම පාලනය වුවහොත් අනිද්දා දිනයේ (6) පාසැල නැවත පැවැත්වීමට කටයුතු කරනා බවත්, හෙට දිනයේ කාලගුණික තත්වය මත අදාල බලධාරීන්න් සමඟ සාකච්ඡා කිරීමෙන් අනතුරුව එම ප්‍රකාශය සිදුකරනා බවත් ආණ්ඩුකාරවරයා වැඩිදුරටත් පැවසීය.

දිවයිනට බලපා ඇති අයහපත් කාලගුණික තත්ත්වය හේතුවෙන් දිස්ත්‍රික්ක කිහිපයක සහ කලාප කිහිපයක රජයේ පාසල් හෙට (04) දිනයේද වසා තැබීමය රජය තීරණය කර තිබේ.

එම නම්කරන ලද පළාත්, කලාප සහ දිස්ත්‍රික්ක හැර අනෙකුත් පාසැල් හෙට දින සිට සාමාන්‍ය පරිදි පැවැත්වීමටත් තීරණය කර ඇති බව වාර්තා වේ.

හෙට දිනයේ පාසැල් වසා තැබෙන දිස්ත්‍රික්කය, කලාප සහ පළාත් පහතින් දැක්වේ.

1) සබරගමුව පළාත‍

රත්නපුර දිස්ත්‍රික්කය – සියලු‍ම පාසල්, කෑගල්ල දිස්ත්‍රික්කය – සියලුම පාසල්

2) දකුණු පළාත

ගාල්ල දිස්ත්‍රික්කය – සියලු‍ම පාසල්, මාතර දිස්ත්‍රික්කය – සියලු‍ම පාසල්

3) බස්නාහිර පළාත

කළුතර දිස්ත්‍රික්කය – සියලු‍ම පාසල්, කොළඹ දිස්ත්‍රික්කය – හෝමාගම කලාපය

අධ්‍යාපන අමාත්‍යාංශයේ මාධ්‍ය ලේකම්, එච්. ටී. කුෂාන් සමීර මහතා නිවේදනයක් නිකුත් කරමින් සඳහන් කළේ ඉහත සඳහන් කර නොමැති සියලු පළාත්වල සහ දිස්ත්‍රික්කවල පාසල් සාමාන්‍ය පරිදි හෙට දින පැවැත්වෙන බවයි.

හෙට දිනයෙන් පසුව ගන්නා තීරණයන් පිළිබඳ නිවේදනයන් පසුව ලබාදෙන බවද ලේකම් වරයා ප්‍රකාශ කළේය.