රුසියාව

රුසියාවට පහර දීම සඳහා යුක්‍රේනයට බටහිර මිසයිල ලබා නොදෙනා ලෙස රුසියානු ජනාධිපති ව්ලැඩිමීර් පුටින් බටහිර බලවතුන්ට අනතුරු අඟවා තිබේ.

රුසියාවට ප්‍රහාර එල්ල කිරීම සඳහා බටහිර අවි භාවිත කරන ලෙස යුරෝපයේ නේටෝ සාමාජිකයන් යුක්‍රේනයට යෝජනා කර ඇති බව ජනාධිපති පුටින් පවසයි

නේටෝ සාමාජිකයින් ගින්දර සමඟ සෙල්ලම් කිරීමට සූදානම් බවත් එසේ කළහොත් එය ගෝලීය ගැටුමකට හේතු වියහැකි බවත් ඔහු පැවසීය.

දෙවන ලෝක යුද්ධයෙන් පසු යුරෝපයේ පුපුරා ගිය මාරාන්තික යුක්රේන-රුසියාව ගොඩබිම් යුද්ධයෙන් වසර දෙකකට වැඩි කාලයක් ගත වී ඇති අතර, යුක්රේනයේ රුසියානු හමුදාවන්ගේ ඉදිරි ගමන කෙරෙහි බටහිර විශේෂ අවධානය යොමු කර ඇති බව යුද විශ්ලේෂකයන් පවසති..

එවන් පසුබිමක යුක්රේන යුද්ධයට බටහිර මැදිහත්වීම පුළුල් ගෝලීය ගැටුමක අවදානම වැඩි කරන බව ජනාධිපති පුටින් නැවත නැවතත් අවධාරණය කර ඇත.

එහෙත් නේටෝ මහලේකම් ජෙන්ස් ස්ටෝල්ටන්බර්ග් ද ඉකොනොමිස්ට් පුවත්පතට පැවසුවේ නේටෝ සාමාජිකයින් රුසියාවට පහර දීම සඳහා යුක්රේනයට ආයුධ ලබා දිය යුතු බවයි.

ඉන්දියාවේ නවදිල්ලියේ ආගමික නිදහස උල්ලංඝනය වන බවට ආගමික නිදහස සම්බන්ධ ඇමෙරිකන් කොමිසම වාර්තාවක් නිකුත් කරමින් ඉන්දීය රජය විවේචනය කර ඇති පසුබිමක රුසියානු රජය එම ඇමරිකානු වාර්තාව සම්බන්ධයෙන් තම ස්ථාවරය ප්‍රකාශයට පත් කර තිබේ.

රුසියන් රජය වෙනුවෙන් එරට විදේශ කටයුතු අමාත්‍යාංශ ප්‍රකාශිකා මරීයා සකරෝවා ප්‍රකාශයක් නිකුත් කරමින් කියා සිටින්නේ, ඉන්දීය මහ මැතිවරණය අතරතුරේ, ඉන්දියාව අස්ථාවර කිරීමට ඇමෙරිකාව විසින් මෙවැනි වාර්තාවක් නිකුත් කර ඇති බවයි.

රුසියාව චෝදනා කරන්නේ ඉන්දියාවේ හින්දු වැසියන්ගේ ජාතිකවාදී මානසිනත්වය සහ ඉන්දියාවේ ඉතිහාසය සම්බන්ධයෙන් කිසිදු අවබෝධයක් නැති ඇමෙරිකාව ආගමික නිදහස සම්බන්ධව පදනම් විරහිතව චෝදනා එල්ල කරන බවය.

අග්‍රාමාත්‍ය මෝදි ප්‍රමුඛ භාරතීය ජනතා පක්ෂය හින්දු ජාතිකවාදී පක්ෂයක් වන අතර, ඔවුන් ඔවුන්ගේ මැතිවරණ ව්‍යාපාර කටයුතු සිදු කරන්නේ හන්දු වැසියන්ගේ ජාතිකවාදී හැඟීම් ඉස්මතු කරමින් යැයි විපක්ෂය වන කොංග්‍රස් පක්ෂය ප්‍රමුඛ විපක්ෂ සන්ධානය ද චෝදනා නගා ඇති පසුබිමක  ජාත්‍යන්තර ආගමික නිදහස සම්බන්ධ ඇමෙරිකන් කොමිසම අග්‍රාමාත්‍ය මෝදි ප්‍රමුඛ භාරතීය ජනතා පක්ෂ රජය විවේචනය කිරීම, ඉන්දියාව අස්ථාවර කිරීමට සැලසුමක් බව රුසියාව වැඩිදුරටත් පෙන්වා දෙයි.