By unusuma.lk on (LK time)
අද (06) පෙරවරු 7.00ට 2025 පළාත් පාලන මැතිවරණයට අදාළ ඡන්ද විමසීම දිවයින පුරා පිහිටි සෑම ඡන්ද මධ්‍යස්ථානයකම ආරම්භ විය.
ඒ අනුව අද පස්වරු 4.00 දක්වා දිවයින පුරා පිහිටි ඡන්ද මධ්‍යස්ථාන 13,759ක ඡන්ද විමසීම පැවැත්වෙනු ඇත.
පළාත් පාලන ආයතන 339ක් සඳහා මෙම ඡන්ද විමසීම ආරම්භ වන අතර ඒ අතරට මහ නගර සභා 28ක්, නගර සභා 36, ප්‍රාදේශීය සභා 275ක් අයත් වනු ඇත.
මෙවර මැතිවරණය සඳහා අපේක්ෂකයින් 75,589ක් තරග කරනු ලබන අතර ඒ සඳහා දේශපාලන පක්ෂ 49ක්, ස්වාධීන කණ්ඩායම් 14ක් ඇතුළත් වේ.
