By unusuma.lk on (LK time)
අමෙරිකාවේ ලැව්ගිනි හේතුවෙන් නිවාස අතහැර ගොස් ඇති ජනතාවගේ දේපළ සොරකම් කිරීමේ සිද්ධි වාර්තාවීමත් සමග කැලිෆෝනියා ප්‍රාන්තයේ ලොස් ඇන්ජලීස් සහ අවට ප්‍රදේශවල රාත්‍රී කාලයේ ඇදිරි නීතිය පැනවීමට ප්‍රාන්ත බලධාරීන් පියවර ගෙන ඇත.
මේ වනවිටත් පැතිර යන ලැව්ගිනි හේතුවෙන් නිවාස ඇතුලු ගොඩනැගිලි 10,000කට වැඩි සංඛ්‍යාවක් සම්පූර්ණයෙන්ම විනාශ වී ඇති බවත් ඒ හේතුවෙන් පුද්ගල මරණ 11ක් වාර්තා වන අතර 180,000 කට වැඩි පිරිසක් ආරක්ෂක ස්ථාන කරා යොමු කර ඇති බව විදෙස් මාධ්‍ය වාර්තා කරයි.
මේ අතර ගිනි නිවන භටයින්ට ගින්න මැඩපැවැත්වීම සදහා ප්‍රමාණවත් ජලය නොමැති බවට කැලිෆෝනියා ආණ්ඩුකාරවරයා සිදුකර ඇති ප්‍රකාශයක් සම්බන්ධයෙන් විවේචන රැසක්ද එල්ල වී ඇති අතර ලැව්ගිනි හේතුවෙන් අවතැන් වූ පුද්ගලයින් 700 කට වැඩි පිරිසක් තාවකාලික නවාතැන්වල රඳවා ඇත.
පැතිර යන ලැව්ගිනි හේතුවෙන් සතුන් විශාල ප්‍රමාණයක් මේ වනවිට මියගොස් ඇති බවද විදෙස් මාධ්‍ය වාර්තා කරයි.
