ඉන්දියාවේ ජම්මු සහ කාශ්මීරයේ රියාසි ප්‍රදේශයේදී ත්‍රස්තවාදීන්ගේ ප්‍රහාරයකට ලක්ව වන්දනාකරුවන් පිරවූ බස් රථයක් ප්‍රපාතයකට පෙරලීමෙන් පුද්ගලයින් 9 දෙනෙකු මියගොස් 33 දෙනෙකු තුවාල ලබා ඇත.
එම වන්දනාකරුවන් රැගත් බස් රථය ශිව් කෝරි ලෙන් විහාරය වෙත යමින් සිටියදී ප්‍රහාරයට ලක්ව ඇති අතර ත්‍රස්තවාදීන් වෙඩි තැබීමත් සමඟ බසය ප්‍රපාතයකට පෙරලී ඇති බව විදෙස් මාධ්‍ය වාර්තා කරයි.
ත්‍රස්තවාදීන් සිදුකළ වෙඩි තැබීමේදී රියදුරුට බස් රථය පාලනය කරගත නොහැකිව ප්‍රපාතයට වැටී ඇති බවද විදෙස් මාධ්‍ය තවදුරටත් වාර්තා කරයි.
මේ අතර තෙවැනි වරටත් ඉන්දියාවේ අග්‍රාමාත්‍ය ධුරයට පත් වූ නරේන්ද්‍ර මෝදි ඉන්දීය ජනාධිපතිනි ද්‍රෞපදී මුර්මු ඉදිරියේ රාෂ්ට්‍රපති භවන්හිදී දිවුරුම් දුන්නේය.
