මැදවච්චිය, කඩවත්ගම ප්රදේශයේ නිවසක (16) සිදුවූ පහරදීමකින් 67 හැවිරිදි දෙදරු පියෙක් මරණයට පත්ව ඇත.
අදාල පුද්ගලයා වැඩිමහල් පුත්රයා සමඟ නිවසේ පදිංචිව සිට ඇති අතර පියා හිසෙහි තුවාල සහිතව නිවසේ මිදුලේ වැටී මියගොස් සිටිනු අසල නිවසක පදිංචි බාල පුතා දැක ඇත.
අදාල පුද්ගලයා වැඩිමහල් පුත්රයා සමඟ මත්පැන් පානය කර ඇති අතර එහිදී ඇතිවු ආරවුලක් මත පුතා විසින් රීප්ප පටියකින් පහරදී මෙම ඝාතනය සිදුකර ඇති බවට විමර්ශන වලදි අනාවරණ වී ඇත.
ඒ අනුව වයස අවුරුදු 42ක් වන වැඩිමහල් පුත්රයා අත්අඩංගුවට ගෙන ඇති අතර එම ඝාතන සිද්ධිය සම්බන්ධයෙන් වැඩිදුර විමර්ශන මැදවච්චිය පොලිසිය විසින් සිදු කරයි.
