විපක්ෂයේ කණ්ඩායම් එකතු වී කුණුහරප බලකායක් ගොඩනගාගෙන තියෙන බවත් එම පොදු කුණුහරප බලකාය “PKB” බව ජාතික ජන බලවේග පාර්ලිමේන්තු මන්ත්රී වෛද්ය නිශාන්ත සමරවීර සඳහන් කරයි.
මන්ත්රී වෛද්ය නිශාන්ත සමරවීර අද (03) පාර්ලිමේන්තුවේදී සඳහන් කළේ,
“අද දවසේ විශේෂ සාකච්ජාවක් දීලා තියෙනවා, ගුරු සංවර්ධන නිලධාරීන් සම්බන්ධ කාරණයට. ඒ තැන දක්වා උත්සාහ කරමින් ඉන්නවා, විශේෂයෙන් විපක්ෂය කණ්ඩායම් අනීතික ක්රියාවලියකට ආණ්ඩුව ගැට ගහන්න.
අපි නීත්යානුකූලව, නීතිගරුක ලෙස කටයුතු කරමු. මොකක්ද තියෙන ප්රශ්නය නීතිගරුක ලෙස කටයුතු කරන්න. ඇයි එහෙම කටයුතු කරන්න බැරි. අපි සූදානම් විනයක් ඇතිව, නීතියකට යටත්ව වැඩ කරන්න.
මේ AKD කියන බ්රෑන්ඩ් එකට, ආණ්ඩුවක් විදිහට අපි උපයාගෙන තියෙන AKD බ්රෑන්ඩ් එකට ප්රතිවිරුද්ධ ලෙස ගුණාත්මක බ්රෑන්ඩ් එකක් නිර්මාණය කර ගන්න විපක්ෂයේ කාටවත් බෑ.
එක නමකටවත් එහෙම දෙයක් කරන්න බෑ. මෙතුමන්ලාට කරන්න පුළුවන් වෙලා තියෙන්නේ, පොදු කුණුහරප බලකායක් වගේ බ්රෑන්ඩ් එකක් හදාගන්න විතරයි. වෙන කිසිම බ්රෑන්ඩ් එකක් නෑ.
මේ සියලු කණ්ඩායම් එකතු වෙලා පොදු කුණුහරප බලකායක් ගොඩනගාගෙන තියෙනවා. ඒක තමයි රටේ මාක් එක. ඒ ජාතියේ දෙයක් කීවොත් ඕනෑම පොඩි එකෙක් දන්නවා කියන්නේ විපක්ෂයෙන් කියලා.
අපි කෙටියෙන් කියමු, පොදු කුණුහරප බලකාය, “PKB” එහෙම තමයි තියෙන්නේ දැන්. ඒ වගේ බලකායක් මේක. මේ පාර්ලිමේන්තුව ඇතුලේ, අද දවස ගත්තත් මුළු දවසෙම කිසිම ආකාරයක ගුණාත්මක සාකච්ජාවක් මේ පාර්ලිමේන්තුව දිහා බලලා කිසිවෙකුට ඉගෙන ගන්න පුළුවන් සාකච්ජාවක් කරේ නෑ.
තමන්ගේ හිතේ තියෙන සියලුම බොරු ප්රකාශයට පත් කරන, තමන්ගේ හිතේ තියෙන අසහනයන් ප්රකාශයට පත් කරන ඒ ජාතියේ ආයතනයක් කියලා මේක. එහෙම ආයතනයක් බවට පත් වෙන්න ඕන නෑ.”
