2029 වසරට තව කල් තියෙන බවත් ඊට කලින් මේ අවුරුද්ද තුල ආණ්ඩුව විසින් ජනතාවට ලබාදෙන්න ඕන දේවල් ලබා දෙන්න ඕන බවත් ඒ සඳහා සටන් කරන බව පාර්ලිමේන්තු මන්ත්රි නාමල් රාජපක්ෂ සඳහන් කරයි.
හිර කූඩුවේ නාමල් රාජපක්ෂ දානවද.? නැද්ද.? කියන එක තේරුම් ගන්න පුලුවන් පාර්ලිමේන්තුවේ ඉන්න 159 දෙනාගේ කතා ඇහුවම බවත් කවුද කෙදිරි ගාන්නේ කියලා දැන් හිතාගන්න පුලුවන් බවද මන්ත්රි නාමල් රාජපක්ෂ සඳහන් කරයි.
ආණ්ඩුව විසින් සිදු කල වැරදි වසා ගැනිමට තමා ඇතුලු පිරිස් ගෙනත් ප්රශ්න කර වැඩක් නොමැති බවද පාර්ලිමේන්තු මන්ත්රි නාමල් රාජපක්ෂ සඳහන් කරයි.
මන්ත්රි නාමල් රාජපක්ෂ සඳහන් කළේ,
“අපේ ගමේ ප්රේමවතී මනම්පේරි කියන කාන්තාව ඝාතනය කිරීම සම්බන්ධයෙන් වන නඩු තීන්දුව. ඒ නඩු තීන්දුවෙන් පැහැදිලිවම ගරු අධිකරණයේ සදහන් කලා ඉහළ නිලධාරියා මොන උපදෙස දුන්නත් තමන්ගේ හෘද සාක්ෂියට අනුව ඒක වැරදි නම් ඒ වැරැද්ද ක්රියාත්මක කිරීම උපදේශයක් ලබා ක්රියාත්මක කිරීම යන එක නිදහසට කාරණයක් නෙමෙයි කියලා.
ඒ හින්දා මේ නිලධාරිනුත් ඒ කාරණා මතක තියාගෙන වැඩ කළොත් හොදයි. සංවිධානාත්මක අපරාධ නවතින්න ඕන. මත්ද්රව්ය මේ රටේ නතර වෙන්න ඕන. හැබැයි සංවිධානාත්මක අපරාධ නතර කරන්නේ ආණ්ඩුව විසින් පෝෂණය කරන සංවිධානාත්ම අපරාධ කණ්ඩායමක් ආරක්ෂා කරන්න නම් ආණ්ඩුවෙන් පන්නපු කන්ටේනර් දෙකේ කුඩු තියනවා කියලා දැන දැනත් පන්නලා මේක විපක්ෂයේ අපෙන් අහනව නම් කන්ටේනර් 323ක් පන්නලා ඒකත් මගෙන් අහනව නම් ඉතින් මේ ආණ්ඩුව තව මොකටද.”
“ආණ්ඩුවේ නොහැකියාව වහගන්න ආණ්ඩුව තමන්ගේ දේශපාලන ක්රියාදාමය පොලිසිය පාවිච්චි කරනවා. හිර කූඩුවේ නාමල් රාජපක්ෂ දානවද නැද්ද කියන එක තේරුම් ගන්න පුලුවන් පාර්ලිමේන්තුවේ ඉන්න 159 දෙනාගේ කතා ඇහුවම. ඒ අය කලින් කියලා තමයි මෙතෙන්ට එන්නේ. කවුද කෙදිරි ගාන්නේ කියලා ඔබතුමන්ලටම දැන් හිතාගන්න පුලුවන්.”
“අපි ජනතාව එක්ක දේශපාලන ගමන යනවා අණ්ඩුවට අපිව සීඅයිඩී, එෆ්සීඅයිඩී ගෙන්නලා අපේ දේශපාලන ගමන නවත්වන්න බෑ. මේ රටේ ජනතාවට අපි වගකියන්න ඕන ජනතාවගේ වගකීම සහ ජනතාවගේ අවශ්යතා වෙනුවෙන් අපි පෙනී හිටිනවා. ආණ්ඩුව හිතනවනම් මේවට ගෙනල්ලා පෙන්නලා අපේ කටවල් වහන්න ආණ්ඩුව ඔය 88 89 සෙල්ලම් තියාගන්න ඒවා දැන් දාන්න ලෑස්තිවෙන්න එපා.
ආණ්ඩුව අපිව මෙහෙම ගෙන්වන්නේ එක පැත්තකින් ආණ්ඩුවේ නොහැකියාව වහගන්න. තවත් පැත්තකින් පොලිසියේ තියෙන කීර්තිනාමය නැති කරන්න. මොකද ඒ අයට 88 89 පොලිසිය එක්ක ප්රශ්නයක් තියනවා. මොකද පොලිසිය වැඩියෙන්ම ගහලා තියෙන්නේ ජෙවිපී කාරයන්ටනේ. ඉතින් ඒවා වහගන්න අද පොලිසියේ කීර්තිනාමය හානි කරන්නත් ආණ්ඩුව කටයුතු කරනවා.
අහන හැම ප්රශ්නෙකටම උත්තර දුන්නා. මම කිවුවනේ පින්තූර පෙන්නලා සාමාන්ය පෙල විභාග සම්මන්ත්රණ වලට ගියපුවා, උසස් පෙළට ගියපුවා, රැස්වීම් වලට ගියපුවා තරුණ සංවිධාන රැස්වීම් වලට ගිහිල්ලා ප්රශ්න ඇහුවට ඒකට දෙන්න ඕන උත්තරේ මම දුන්නා. හැබැයි ඉතින් ආණ්ඩුව දැනගන්න ඕන මොන ප්රශ්නේ ඇහුවත් මම අහපු ප්රශ්නෙට උත්තර නෑ.
කවුද කුඩු කන්ටේනර් දෙක පැන්නුවේ කවුද කන්ටේනර් 323 පැන්නුවේ. කෝ නුවරඑළියේ අයිස් ෆැක්ටරිය. කවුද හෝමගමට මිද්දෙණියට අයිස් ගෙනල්ලා දැම්මේ. උත්තර නැත. හැබැයි මගෙන් අහනවා උත්තරේ, මම කොහොමද දන්නේ ආණ්ඩුව එයාලගෙනේ.
2029ට තව කල් තියනවනේ. ඊට කලින් මේ අවුරුද්ද තුල ආණ්ඩුව විසින් ජනතාවට ලබාදෙන්න ඕන දේවල් ලබා දෙන්න ඕන. ඒ සඳහා අපි සටන් කරනවා.”
අපරාධ පරීක්ෂණ දෙපාර්තමේන්තුවට (03) ප්රකාශයක් ලබාදීමෙන් පසුව මාධ්ය වෙත අදහස් දක්වමින් මන්ත්රි නාමල් රාජපක්ෂ මේ බව සඳහන් කරයි.
