ශ්රී ලංකා ක්රිකට් කණ්ඩායම සහ එංගලන්ත ක්රිකට් කණ්ඩායම අතර පැවති විස්සයි විස්ස තරගාවලියේ තරග තුනම පරාජයට පත්වීමට ශ්රී ලංකා කණ්ඩායමට සිදුවිය.
මෙම අන්ත පරාජයත් සමග ලබන (07) වැනිදා ආරම්භ කරන 2026 විස්සයි විස්ස ලෝක කුසලාන ක්රිකට් තරගාවලියට මුහුණ දීමට ශ්රී ලංකා කණ්ඩායම සූදානමින් සිටියි.
එහෙත් ලක්ෂ ගණනින් වැටුප් ගන්නා ලොව දක්ෂ පුහුණුකරුවන් සිටියද කණ්ඩායමේ ක්රීඩකයින්ගේ පිතිකරණය සහ කණ්ඩායමට ඇති වගකීම හරිහැටි හඳුනා ගැනීමට ඔවුන්ට නොහැකි වී ඇත.
කණ්ඩායමේ ක්රීඩකයින් ඔවුන්ට පැවරී ඇති වගකීම නිසි පරිදි ඉටු නොකිරීම හේතුවෙන් එළඹෙන විස්සයි විස්ස ලෝක කුසලාන තරගාවලියේ පළමු වටයෙන්ම ඉවත් වීමට සිදුවේද.?
එළඹෙන ලෝක කුසලාන තරගාවලියට පා තබන ශ්රී ලංකා කණ්ඩායම තම වගකීම හරිහැටි ඉටු කරමින් ලංකාවේ ජයග්රහණය වෙනුවෙන් ක්රීඩා කරනවාද.? නැද්ද.? යන්න අපට ඉදිරියේදී දැකගැනීමට හැකිය.
ක්රීඩාවේදී ජය, පරාජය දෙකටම මුහුණ පෑමට සිදුවන අතර පරාජය වන සෑම අවස්ථාවලදී හිත හදාගැනීම සඳහා අප නිතර යොදාගන්නා කියමනක් ඇත. එනම්, ක්රිකට් යනු අවිනිශ්චිත ක්රීඩාවක් බවයි.
