ජර්මනියේ චාන්සලර් ඔලාෆ් ෂෝල්ස්ගේ සභාග රජය ලබාදුන් මැතිවරණ පොරොන්දුවක් ක්‍රියාත්මක කරමින් එරට අප්‍රේල් මස 01දා සිට කංසා අර්ධ වශයෙන් නීතිගත කිරීමට පියවර ගෙන ඇති බව විදෙස් මාධ්‍ය සදහන් කරයි.
මෙසේ එරට වැඩිහිටියන් සදහා පමණක් “කැනබීස්” නීතිගත කිරීමට ජර්මානු රජය තීරණය කර තිබෙන අතර එම නීතිගත කිරීමත් සමග ඒ සම්බන්ධව නව රෙගුලාසි රැසක් ගෙන ඒමටද එරට රජය ක්‍රියාකර ඇති බව විදෙස් මාධ්‍ය වාර්තා කර ඇත.
එම රෙගුලාසි වලට අනුව එක් අයෙකුට පුද්ගලික පාවිච්චිය සඳහා වියළි ගංජා ග්‍රෑම් 25ක් රැගෙන යා හැකි අතර වැඩිහිටියෙකුට පැල තුනක් වගා කිරීමටද වියලන ලද ගංජා ග්‍රෑම් 50ක් දක්වා ගෘහස්ථව තබා ගැනීමට අවසර ලැබෙනු ඇති.
එමෙන්ම පාසල්, ක්‍රීඩා පිටි සහ පොදු ස්ථානවලට මීටර් 100 ක් ඇතුලත අදාළ මත්ද්‍රව්‍ය භාවිතය ද තහනම් වන බව සදහන්.
මේ සම්බන්ධව අදහස් පලකරමින් එරට විපක්ෂ නායක ෆ්‍රෙඩ්රික් මර්ස්කෙ පවසා පවසා තිබුනේ ඉදිරි වසරේ පැවැත්වීමට නියමිත මැතිවරනයෙන් පසු තම පක්ෂය නැවත බලයට පත් වුවහොත් වහාම මෙම නීතිය අවලංගු කරදමනා බවටයි.