Unusuma Media

අශෝක රන්වල මහතාගේ ඉල්ලා අස්වීමෙන් පසු පුරප්පාඩු වූ දසවෙනි පාර්ලිමේන්තුවේ
කථානායක ධූරය සඳහා ජාතික ජන බලවේගයේ පාර්ලිමේන්තු මන්ත්‍රී වෛද්‍ය ජගත් වික්‍රමරත්න මහතා පත් කිරීමට තීරණය කර ඇති බව දේශපාලන ආරංචි මාර්ග පවසයි.

පොළොන්නරුව ගල් අමුණ මහා විද්‍යාලයේ සහ මහනුවර ධර්මරාජ විද්‍යාලයේ ආදි ශිෂ්‍යයෙකු වන එතුමා වෛද්‍ය පරිපාලකයෙක් වශයෙන් වසර ගනනාවක් සේවය කළ පුද්ගලයෙකු වෙයි.

මනාප ඡන්ද සංඛාව 51391ක් ලබාගනිමින් ජාතික ජන බලවේග පොළොන්නරුව දිස්ත්‍රික් මනාප ලැයිස්තුවේ දෙවැනි තැන හිමි කර ගත් වික්‍රමරත්න මහතා මෙවර මහමැතිවරණයෙන් පාර්ලිමේන්තු වරම් හිමිකර ගත්තේය.

ඒ අනුව ශ්‍රී ලංකාවේ 23 වැනි කථානායකවරයා ලෙස ජගත් වික්‍රමරත්න මහතා අඟහරුවාදා (17) පාර්ලිමේන්තුවේදී තෝරා පත්කරගැනීමට යෝජනා වී ඇති බව සඳහන් වේ.

අනුර කුමාර දිසානායක මහතා විසින් හිටපු කථානායක අශෝක රන්වල මහතා විසින් යොමුකළ ඉල්ලා අස්වීමේ ලිපිය අනුමත කර තිබේ. 

මේ බව ලිඛිතව පාර්ලිමේන්තු මහලේකම්වරයාට ජනාධිපති ලේකම් ආචාර්ය නන්දික සනත් කුමානායක මහතා විසින් දැනුම් දී ඇත.

ආණ්ඩුක්‍රම ව්‍යවස්ථාවේ 64/2 ව්‍යස්ථාවට අනුව කථානායකවරයා, නියෝජ්‍ය කථානායකවරයා හෝ නියෝජ්‍ය කාරක සභා සභාපති යන පදවිවලින් කවර හෝ පදවියක් දරන්නෙකු ධුරයෙන් ඉල්ලා අස්වීමට අදහස් කරන්නේ නම් සිය අත්සනින් යුතු ලිපියකින් ඒ බව ජනාධිපතිවරයාට දැනුම් දිය යුතුයි.

ජනාධිපතිවරයා එම ඉල්ලා අස්වීම පිළිගන්නේ නම් ඒ බව පාර්ලිමේන්තු මහ ලේකම්වරයා වෙත දැනුම් දිය යුතු වේ.

හිටපු කථානායකවරයා පසුගිය මස 21 වැනිදා කථානායක ධුරයේ දිවුරුම් දුන් අතර ඊයේ ඔහු ඉල්ලා අස්වීමට තීරණය කරන විට ධුරයේ කටයුතු කර තිබුණේ දින 22ක් පමණයි.

ඒ අනුව මෙරට දේශපාලන ඉතිහාසයේ කෙටිම කාලයක් කටයුතු කළ කථානායක ධුරයේ වාර්තාවට රන්වල මහතා හිමිකම් කියනු ලබයි.

ඊයේ (10) තලංගම පොලිසිය කඩුවෙල මහෙස්ත්‍රාත් අධිකරණයට දැනුම් දී ඇත්තේ පසුගිය 2 වැනිදා ගුරු පත්වීම් ඉල්ලා පාසල් සංවර්ධන නිලධාරීන් පිරිසක් බත්තරමුල්ල ඉසුරුපාය අධ්‍යාපන අමාත්‍යාංශය ඉදිරිපිට පැවැත්වූ විරෝධතාවේදී තියුණු ආයුධයකින් කපා පොලිස් නිලධාරීන් තිදෙනකුට තුවාල සිදුකළ බව පැවසෙන පුද්ගලයා යුද හමුදා බුද්ධි අංශ නිලධාරියකු බවට මෙතෙක් සිදුකළ විමර්ශනවලදී අනාවරණය වී ඇති බවයි.

ඒ අනුව, කඩුවෙල මහෙස්ත්‍රාත් චාගිමා විජේබණ්ඩාර මහත්මිය විසින් පොලිසියට නියෝග කර සිටියේ එම පුද්ගලයා සම්බන්ධයෙන් වහාම විධිමත් පරීක්ෂණයක් පවත්වා විමර්ශනවල ප්‍රගතිය තම අධිකරණයට වාර්තා කරන ලෙසයි.

පසුව පොලිස් රාජකාරියට බාධා කිරීම ඇතුළු චෝදනා යටතේ රක්ෂිත බන්ධනාගාරගත කර සිටි පාසල් සංවර්ධන නිලධාරින් සිවු දෙනා රුපියල් ලක්ෂය බැගින් වූ ශරීර ඇප මත මුදාහැරීමටද මහේස්ත්‍රාත්වරිය විසින් නියෝග කළාය.

උද්ඝෝෂණය අතරතුරදි විරෝධතාකරුවන් පාලනය කිරීමට උත්සාහගත් පොලිස් නිලධාරීන් තිදෙනකුට කැපුම් තුවාල සිදුවූ අතර එම අවස්ථාවේ කැපුම් තුවාල සිදුකළ පුද්ගලයා හඳුනාගත් උද්ඝෝෂකයන් තියුණු ආයුධයක් සමගම ඔහුව ග්‍රහණයට ගෙන පොලිසියට භාරදී තිබුණි.

සැකකාර සංවර්ධන නිලධාරීන් වෙනුවෙන් පෙනී සිටි නීතිඥවරු අධිකරණයට පැවසුවේ, නිල් පැහැති කමිසයකින් සැරසී සිටි එම පුද්ගලයා එදින උදෑසන සිටම පොලිස් නිලධාරීන් සමග පැමිණ සිටි අයකු බවත් සිය සේවාදායකයා එම අපරාධය සිදුකළ බවට ඒත්තු ගැන්වීම සඳහා එම පුද්ගලයා පොලිස් නිලධාරීන්ට කැපුම් තුවාල සිදුකර ඇති බව පෙනී යන බවත් ය.

අදාල පුද්ගලයා මේ දක්වා සැකකරුවකු ලෙස නම් කිරීමට පොලිසිය කටයුතු කර නොමැති බවද පෙන්වා දුන් විත්තියේ නීතිඥවරු සිය සේවාදායකයා ඇපමත මුදාහරින ලෙසට හඳුනාගැනීමේ පෙරෙට්ටුවෙන් අනතුරුව මහෙස්ත්‍රාත්වරියගෙන් ඉල්ලා සිටියා.

නීතිඥ ශාන් රණසූරිය, දසුන් නාගස්හේන, කමල් විජේසිරි යන මහත්වරුන් ඇතුළු නීතිඥ මණ්ඩලයක් සමග ජනාධිපති නීතිඥ විජයදාස රාජපක්ෂ මහතා සැකකාර පාසල් සංවර්ධන නිලධාරීන් වෙනුවෙන් පෙනී සිටියා.

හඳුනා ගැනීමේ පෙරෙට්ටුව සංවිධානය කර ඇත්තේ ද පොලිසිය බවත් එහි සාක්ෂිකරුවන් ලෙස ඉදිරිපත් කර ඇත්තේද පොලිස් නිලධාරීන් පිරිසක් බවත් පවසමින් හඳුනාගැනීමේ පෙරෙට්ටුව සම්බන්ධයෙන් මූලික විරෝධතාවක් ඉදිරිපත් කළ විත්තියේ නීතිඥවරුන් එම හඳුනාගැනීමේ පෙරෙට්ටුව සම්බන්ධයෙන් විත්ති පාර්ශ්වයට කිසිදු විශ්වාසයක් නොමැති බවද අධිකරණයට පෙන්වා දුන්නා.

යාපනය දිස්ත්‍රික් මන්ත්‍රී රාමනාදන් අර්චුනා මහතා පාර්ලිමේන්තුවේදී පවසා සිටියේ සුජිත් නැමති අයෙකු පාර්ලිමේන්තුවේ  විපක්ෂ නායක කාර්යාලයේදී තමාට පහර දුන් බවයි.

“මට යම් සිද්ධියක් වුණා . මම පාර්ලිමේන්තුවට ආවේ පළවෙනි වතාවට. මම කතා කරන්න විපක්ෂ නායකගේ ඔෆිස් එකට ගියා.

ඒ මට වෙන් කරලා තියෙන වෙලාව බලන්න. එතකොට එතන සුජිත් කියලා එක්කෙනෙක්  මට ගැහුවා. මේක අපේ පාර්ලිමේන්තුව ඇතුලේ සිද්ධ වෙනවා නම් අපි පාරවල් වල යන්නේ කොහොමද?

පසුගිය දින කිහිපය තුල වඩා කතාබහට ලක්වූ සිදුවීමක් වන එල්ටීටීඊ මහා විරු සැමරීම සම්බන්ධයෙන් අධිකරණ හා ජාතික ඒකාබද්ධතා අමාත්‍ය අමාත්‍ය නීතිඥ හර්ෂණ නානායක්කාර මහතා අදහස් දැක්වීය.

ඔහු පැවසූවේ නව රජය බලයට පැමිණියද පැරනි ජාතිවාදී දේශපාලන සංස්කෘතිය අවසන් කිරීමට පැරනි කණ්ඩායම් තවදුරටත් සූදානම් නොමැති බවයි.

එමෙන්ම දේශපාලන වශයෙන් කුමන මඩක් එල්ල කලද නිහඬව සිටීමට සූදානම් නමුත් ජාතීන් අතර ගැටුම් ඇතිකිරීමේ උත්සාහයෙන් යමෙක් සාවද්‍ය ප්‍රකාශ සිදුකරන්නේද, ඊට එරෙහිව දැඩිව ප්‍රතිචාර දක්වන බවද අමාත්‍යවරයා අවධාරණය කළේය.

එමෙන්ම එවැනි සිදුවීම් සම්බන්ධයෙන් දැඩි ස්ථාවරයක සිට කටයුතු කරනා බවත් නැවත බිඳ වැටීම් සිදුවීමට ඉඩ නොතබනා බවත් අමාත්‍යවරයා සඳහන් කළේය.

කෙසේ නමුත් ප්‍රති ත්‍රස්ත පනත වැනි කුරිරු අන පනත් ඒ සඳහා භාවිත නොකළ බවත් ජනතාව පීඩාවට පත්කරනා නීති යොදා නොගත් බවත් පැවසූ අමාත්‍යවරයා එවැනි පීඩාකාරී අන පනත් වලට එරෙහිව ඉතිහාසයේ සටන් කළ බවද සිහිපත් කළේය.