Foreign news

අමෙරිකානු ජනපතිට චීනයෙන් ඇරයුම්.!

අමෙරිකානු ජනපතිට චීනයෙන් ඇරයුම්.!

ලබන වසරේ නිල සංචාරයක් සදහා චීනයට පැමිණෙන්නැයි, චීන ජනාධිපතිවරයා කළ ආරාධනාවක් තමන් පිළිගත් බව අමෙරිකානු ජනාධිපති ඩොනල්ඩ් ට්‍රම්ප් සඳහන් කරයි.

චීන ජනාධිපති ෂී ජින්ග් පින්ග් සමඟ ඊයේ (24) දින පැවති දුරකථන සාකච්ඡාවකින් අනතුරුව අමෙරිකානු ජනාධිපති ඩොනල්ඩ් ට්‍රම්ප් මේ බව සඳහන් කරයි.

රාජ්‍ය නායකයින් දෙදෙනා පැයක පමණ කාලයක්, රුසියානු – යුක්‍රේන යුද්ධය, මත්ද්‍රව්‍ය මෙහෙයුම් හා දෙරට අතර අඛණ්ඩ සන්නිවේදන සබදතා පවත්වාගැනීමේ ඇති අවශ්‍යතාවය පිළිබඳ සාකච්ඡා කළ බව ධවල මන්දිරය නිවේදනය කරයි.

පාකිස්තානයේ හමුදා මූලස්ථානයකට මරාගෙන මැරෙන බෝම්බ ප්‍රහාරයක්.!

පාකිස්තානයේ හමුදා මූලස්ථානයකට මරාගෙන මැරෙන බෝම්බ ප්‍රහාරයක්.!

පෙෂාවර්හි පැරාමිලිටරි මූලස්ථානයට මරාගෙන මැරෙන බෝම්බ ප්‍රහාරයක්: පුද්ගලයන් තිදෙනෙකු මරුට

පාකිස්තානයේ වයඹදිග පෙෂාවර් නගරයේ පිහිටි පැරාමිලිටරි හමුදා මූලස්ථානයක් ඉලක්ක කර ගනිමින් මරාගෙන මැරෙන බෝම්බ ප්‍රහාරයක් එල්ල වී තිබේ. විදෙස් මාධ්‍ය වාර්තා කරන්නේ මෙම ප්‍රහාරයෙන් පුද්ගලයන් තිදෙනෙකු මියගොස් ඇති බවයි.

මරාගෙන මැරෙන බෝම්බකරුවන් දෙදෙනෙකු මෙම ස්ථානයට පැමිණ ඇති අතර, ඉන් එක් අයෙක් මූලස්ථානයේ ප්‍රධාන දොරටුව අසලදී බෝම්බය පුපුරුවා හැර ඇත.

අනෙක් බෝම්බකරු හමුදා මූලස්ථාන පරිශ්‍රය තුළදී බෝම්බය පුපුරුවා හැර ඇති බවට තොරතුරු වාර්තා වේ. මෙම ද්විත්ව ප්‍රහාරය හේතුවෙන් මූලස්ථානය ආශ්‍රිතව දැඩි උණුසුම් තත්ත්වයක් හටගෙන තිබේ.

අමෙරිකානු ඩොලර් මිලියන 2.3ක මුදලකට අලෙවි වූ ඔරලෝසුව.!

අමෙරිකානු ඩොලර් මිලියන 2.3ක මුදලකට අලෙවි වූ ඔරලෝසුව.!

එංගලන්තයේ පැවති වෙන්දේසියකදී ඔරලෝසුවක් අමෙරිකානු ඩොලර් මිලියන 2.3කට අධික මුදලකට වෙන්දේසි වී ඇති බව විදෙස් මාධ්‍ය වාර්තා කරයි.

1912 වසරේදී මුහුදුබත් වූ ටයිටැනික් නෞකාවේ ගමන් ගත් අමෙරිකානු ව්‍යාපාරිකයකුට අයත් ඔරලෝසුවක් මෙලෙස වෙන්දේසි වී ඇත.

එම ව්‍යාපාරිකයාගේ මළ සිරුර අත්ලාන්තික් සාගරයේ තිබී දින කිහිපයකට පසුව සොයාගෙන තිබූ අතර ඔහු සතුව තිබූ රන් ඔරලෝසුව මෙලෙස වෙන්දේසියට ඉදිරිපත් කර ඇත.

Follow WhatsApp Channel