Local news

මාවතුර පස්කන්දට යටවූ මිනිසුන් පාංශුකූලයත් නැතිවම අවසන් ගමන් යයි.! 

මාවතුර පස්කන්දට යටවූ මිනිසුන් පාංශුකූලයත් නැතිවම අවසන් ගමන් යයි.! 

උඩපළාත ඉහළගම මාවතුර ප්‍රදේශයේ මහා කන්දක් නාය යෑමෙන් ගම්මානයේ 40 කට ආසන්න පිරිසක් එම කන්දට යවන්නට ඇතැයි ඇතැයි ගම්වාසීහු පවසති.

අතුරුදන් පිරිසගෙන් 15 දෙනකු ගේ සිරුරු ගම්වාසීන් විසින් සොයාගෙන ඇති අතර තවත් 25 දෙනකු සොයා ගැනීමට නැතැයි ඔවුහු පවසති.

මියගිය අයගේ අවසන් කටයුතු කිරීම භික්ෂුන් වහන්සේලාගේ සභාගීත්වයෙන් තොර ගම්වාසීන් හා මියගිය අයගේ ඥාතීන් විසින්ම ආගමික වතාවත් පවත්වා අවසන් කටයුතු කර ඇතැයි වාර්තා වෙයි.

ආගමික වතාවත් සිදු කිරීමට භික්ෂූන් වහන්සේ නමක් සොයා ගැනීම අපහසු වී ඇතැයි ද ගම්වාසීන් පවසති.

අතුරුදන් වූ පිරිස සොයා මේ වන විටත් ගම්වාසීන් විසින් පස් ඉවත්කරමින් සිටිනා බව සඳහන්.

එම ප්‍රදේශයේ සිදුවූ නාය යාම හේතුවෙන් ගම්මානයේ ගම්වැසියන් 40ක් පමණ දෙනා මිය ගොස් සහ අතුරුදන්ව සිටින අතර තවත් 600 කට ආසන්න ප්‍රමාණයක් අවතැන් වී සිටින බවද සඳහන්.

ගම්මානයේ දැනට අවතැන්වී සිටිනන පුද්ගලයනට මෙතෙක් කිසිදු හව්හරණක් නොමැතිව ප්‍රදේශයේ පාසලක සහ භික්‍ෂුණී ආරාමයක රඳවා සිටින බවත් පැවසෙයි.

ජනපතිගේ ඉල්ලීම් අනුව පාලම් 10 ක්, අධිවේගී බෝට්ටු 15 ක්, ඩ්‍රෝන යානා 10ක් ඇතුළු ආධාර ඉන්දියාවෙන් එවයි.!

ජනපතිගේ ඉල්ලීම් අනුව පාලම් 10 ක්, අධිවේගී බෝට්ටු 15 ක්, ඩ්‍රෝන යානා 10ක් ඇතුළු ආධාර ඉන්දියාවෙන් එවයි.!

ඊයේ (01) දිනයේ ජනාධිපති අනුර කුමාර දිසානායක මහතා ඉන්දීය අග්‍රාමාත්‍ය නරේන්ද්‍ර මෝදි මහතාගෙන් ඉල්ලා සිටි ආධාර අද සහ හෙට දිනයන්හිදී ලබා දීමට නියමිත බව ඉන්දීය මහ කොමසාරිස් සන්තෝෂ් ජා පවසයි.

මහ කොමසාරිස්වරයා මේ පිළිබඳව පවසා සිටියේ හිරු ප්‍රවෘත්ති සමඟ විශේෂ සම්මුඛ සාකච්ඡාවකට එක්වෙමින්.

ජනාධිපතිවරයා ඉල්ලා සිටි ආධාර අතරට තාවකාලික පාලම් 10 ක්, අධිවේගී මුදා ගැනීමේ බෝට්ටු 15 ක්, සැපයුම් සහ නිරීක්ෂණ ඩ්‍රෝන යානා 10 ක්, චන්ද්‍රිකා දුරකථන 6 ක් සහ ජල පිරිපහදු යන්ත්‍ර 500 ක් එම ඉන්දීය ආධාරවලට ඇතුළත්

වැසි තත්ත්වයේ වැඩිවීමක්.. සැලකිලිමත් වන්න.!

වැසි තත්ත්වයේ වැඩිවීමක්.. සැලකිලිමත් වන්න.!

කාලගුණ විද්‍යා දෙපාර්තමේන්තුව නිවේදනයක් නිකුත් කරමින් සඳහන් කළේ, ඉදිරි දින කිහිපයේදී දිවයින හරහා ඊසානදිග මෝසම් තත්ත්වය ක්‍රමයෙන් ස්ථාපිත වෙතැයි අපේක්ෂා කරන බවයි.

ඒ අනුව දෙසැම්බර් (04) වන දින සිට උතුරු, උතුරුමැද, නැගෙනහිර, ඌව සහ මධ්‍යම පළාත්වල වැසි තත්ත්වයේ වැඩිවීමක් බලාපොරොත්තු වන බවද එම දෙපාර්තමේන්තුව සඳහන් කරයි.

ආපදා මරණ සංඛ්‍යාව තවදුරටත් ඉහළට.!

ආපදා මරණ සංඛ්‍යාව තවදුරටත් ඉහළට.!

දිවයින පුරා පැවති අයහපත් කාලගුණික තත්ත්වය හේතුවෙන් ඇති වූ ආපදා තත්ත්වය පිළිබඳව ආපදා කළමනාකරණ මධ්‍යස්ථානය නිකුත් කළ නවතම වාර්තාව අනුව, ජීවිතක්ෂයට පත් වූ පුද්ගලයින්ගේ සංඛ්‍යාව 465ක් දක්වා ඉහළ ගොස් තිබෙනවා.

එමෙන්ම, අතුරුදහන් වූ පුද්ගලයින් සංඛ්‍යාව 366ක් බවයි එම වාර්තාවේ සඳහන්.

සුරක්ෂිත මධ්‍යස්ථාන 1,433ක රැඳී සිටින පුද්ගලයින් සංඛ්‍යාව 232,752ක් බවයි ආපදා කළමනාකරණ මධ්‍යස්ථානය නිකුත් කළ වාර්තාවේ වැඩිදුරටත් සඳහන් වෙන්නේ.

උසස් පෙළ සහ පාසල් ආරම්භ කිරීම ගැන දැනුම්දීමක්.!

උසස් පෙළ සහ පාසල් ආරම්භ කිරීම ගැන දැනුම්දීමක්.!

2025 අධ්‍යයන පොදු සහතික පත්‍ර උසස් පෙළ විභාගයේ ඉතිරි විෂයන් 2026 වසරේ ජනවාරි පළමු සතියේ පැවැත්වීමට විභාග දෙපාර්තමේන්තුව තීරණය කර ඇත.

ආපදාවන්ට ලක් නොවූ විශ්වවිද්‍යාල, ජාතික අධ්‍යාපන විද්‍යා පීඨ සහ වෘත්තිය අධ්‍යාපන ආයතන දෙසැම්බර් (08) වැනි දින ආරම්භ කිරීමට නියමිත බවද අධ්‍යාපන අමාත්‍යාංශය සඳහන් කරයි.

අපදාවන්ට ලක්නොවූ පළා‍ත් සහ දිස්ත්‍රික්ක වල පාසල් දෙසැම්බර් (16) වැනි දින ආරම්භ කරන බවද අධ්‍යාපන අමාතයාංශය සඳහන් කරයි.

හිටපු ඇමති සී.බී රත්නායක බන්ධනාගාරයට.!

හිටපු ඇමති සී.බී රත්නායක බන්ධනාගාරයට.!

රුපියල් කෝටි ගණනක වත්කම් ඉපයූ යැයි කියන සිද්ධිය සම්බන්ධයෙන් සිදුකරන විමර්ශණයකට අදාළව ප්‍රකාශයක් ලබාදීම සඳහා අල්ලස් කොමිසම වෙත පැමිණි අවස්ථාවේදී හිටපු අමාත්‍ය සී.බී රත්නායක අද (02) අත්අඩංගුවට ගත්තේය.

අනතුරුව අත්අඩංගුවට ගනු ලැබූ හිටපු අමාත්‍ය සී.බී රත්නායක අද අලුත්කඩේ මහේස්ත්‍රාත් අධිකරණයට ඉදිරිපත් කිරීමෙන් අනතුරුව එළැඹෙන (16) වැනිදා දක්වා රක්ෂිත බන්ධනාගාරගත කිරීමට නියෝග කර ඇත.

නිවාස පිරිසිදු කිරීමට ලබාදෙන මුදල වැඩි කරයි.!

නිවාස පිරිසිදු කිරීමට ලබාදෙන මුදල වැඩි කරයි.!

දිවයින පුරා අවතැන්ව සිටින ජනතාවට යළි සිය නිවාස වලට යාමේදී ඒවා පිරිසිදු කරගැනීම සඳහා රජය ලබාදීමට තීරණය කළ රුපියල් 10,000ක මුදල, රුපියල් 25,000 දක්වා ඉහළ දැමීමට තීරණය කර ඇත.

මුදල් අමාත්‍යාංශය විසින් එම තීරණය ගත් බව එහි ලේකම් ආචාර්ය හර්ෂණ සූරියප්පෙරුම සඳහන් කරයි.

අල්ලස් කොමිසම විසින් හිටපු අමාත්‍යවරයෙක් අත්අඩංගුවට ගනී.!

අල්ලස් කොමිසම විසින් හිටපු අමාත්‍යවරයෙක් අත්අඩංගුවට ගනී.!

අල්ලස් කොමිසම විසින් හිටපු අමාත්‍ය සී. බී. රත්නායක අත්අඩංගුවට ගෙන ගෙන තිබෙනවා.

හිටපු අමාත්‍යවරයා සම්බන්ධයෙන් සිදුකරන විමර්ශණයකට අදාළව ප්‍රකාශයක් ලබාදීම සඳහා අල්ලස් කොමිසම වෙත පැමිණි අවස්ථාවේදීයි ඔහු මෙසේ අත්අඩංගුවට ගෙන ඇත්තේ.

මොරගහකන්ද පාලම කැඩී ඇති පුවත සාවද්‍යයි.!

මොරගහකන්ද පාලම කැඩී ඇති පුවත සාවද්‍යයි.!

පසුගියදා ඇතිවූ දරුණු ආපදා තත්වය හේතුවෙන් මොරගහකන්ද ජලාශයේ ප්‍රධාන ඇල මාර්ගය වන අඹන් ගඟ මතින් ඉදිකර ඇති පාලම කැඩී ගිය බව බොහෝ මාධ්‍ය සහ සමාජ මාධ්‍ය ඔස්සේ වාර්තා වූ අතර එම පුවත සාවද්‍ය බව දැනගන්නට ඇත.

එහිදී සිදුව ඇත්තේ අධික ජල පීඩනය හේතුවෙන් පාලමට එහා වූ ඉවුරු කොටස මාර්ගයත් සමඟ කැඩී යාමකි.

පහත චන්ද්‍රිකා ඡායාරූපයේ රතු පැහැති රව්මෙන් දක්වා ඇති ප්‍රදේශය එලෙස මහා මාර්ගයද සමග විනාශ වී තිබේ.

ප්‍රධාන පිට වානේන් නිකුත් කළ අධික ජල දහරාව ගංගාවේ එම ස්ථානයේ ඇති වංගුවක් සහිත කොටසේ ගැටී එම ප්‍රදේශයම ගලවාගෙන ගොස් තිබේ.

කෙසේවෙතත් පාලමට හානියක් සිදුව නොමැති බැවින් මෙම මාර්ගය කඩිනමින් ප්‍රතිසංස්කරනය කිරීමටද හැකියාව ලැබෙනු ඇත.

ඉදිරි දින කිහිපයේ ඇතිවන බව කියන සුළි කුණාටුව ගැන කාලගුණ විද්‍යා දෙපාර්තමේන්තුවෙන් විශේෂ නිවේදනයක්.!

ඉදිරි දින කිහිපයේ ඇතිවන බව කියන සුළි කුණාටුව ගැන කාලගුණ විද්‍යා දෙපාර්තමේන්තුවෙන් විශේෂ නිවේදනයක්.!

ඉදිරි දින කිහිපයේදී මෙරට තුළ ඇතිවිය හැකි සුළි කුණාටුවක් සම්බන්ධයෙන් පැතිර යන ප්‍රචාරයන් අසත්‍ය බව කාලගුණ විද්‍යා දෙපාර්තමේන්තුව පවසනවා.

ලබන 4 සහ 5 යන දෙදින තුළ වැසි සහිත කාලගුණ තත්ත්වයක් අපේක්ෂා කළ හැකි නමුත්, ඉන් විශාල බලපෑමක් සිදුනොවනු ඇති බවයි කාර්යයේ නියුතු කාලගුණ විද්‍යාඥ මලිත් ප්‍රනාන්දු ප්‍රකාශ කළේ.

මේ අතර, ජල ගැලීම් පවතින ස්ථාන නැරඹීම සඳහා දරුවන් රැගෙන යාමෙන් වළකින ලෙස සෞඛ්‍ය අංශ දෙමාපියන්ගෙන් ඉල්ලීමක් කරනවා.

ජල ගැලීම්වලින් අනතුරුව විවිධ රෝග ව්‍යාප්ත වීම හමුවේ දරුවන්ගේ සුරක්ෂිතභාවය ආරක්ෂා කරන ලෙසයි රිජ්වේ ආර්යා ළමා රෝහලේ විශේෂඥ වෛද්‍ය දීපාල් පෙරේරා කියා සිටියේ.

Follow WhatsApp Channel