Attention (Sinhala)

ඊයේ (21) කුරුණෑගල පැවැති ජාතික ජන බලවේගයේ මැතිවරණ ජන රැළියක් අමතමින් ජනාධිපති අනුර කුමාර දිසානායක මහතා පැවසූවේ පාස්කු ප්‍රහාරය පිළිබඳ කෙරෙන විමර්ශනවල සාර්ථක ප්‍රතිඵල මේ වනවිට ලැබෙමින් පවතින බවයි.

එම පරීක්‍ෂණවලට අදාල සමහර සාර්ථක ප්‍රතිඵල අත්පත් වෙමින් තිබෙන බවත් හෙතෙම වැඩිදුරටත් සදහන් කළේය.

“පාස්කු ප‍්‍රහාරයට අවුරුදු හයක් පිරෙනවා. මේ අවුරුදු හයෙන් අවුරුදු පහ හමාරක්ම ගෙවුනේ පාස්කු ප්‍රහාරයේ පරීක්ෂණ හොයන්න නෙවෙයි යටපත් කරන්න. කොච්චරද කියනවනම් ජනාධිපති විමර්ශන කොමිසමක් පිහිටෙව්වා. ඒකෙන් වාර්තාවක් ආවා. කැබිනට් මණ්ඩලය තීන්දුවක් අරන් තිබුණා. ඒ වාර්තාව ක්‍රියාවට නගන්නේ නෑ කියලා.

ඒ කියන්නේ මොකක්ද පාස්කු ප්‍රහාරය පිළිබඳ විමර්ශන දියත් කරන ආණ්ඩු නෙමෙයි අවුරුදු පහ හමාරක් තිබ්බේ පාස්කු ප්‍රහාරය යටගැසීම සඳහා ආණ්ඩු. අවුරුදු පහමාරකින් ගොඩක් දේවල් යට ගහන්න පුළුවන් ගොඩක් දේවල් හංගන්න පුළුවන්.

දැන් මාස හයයි විමර්ශනය කරන ආණ්ඩුව ඇවිල්ලා. අපි විමර්ශනය කරනවා සමහර සාර්ථක ප්‍රතිඵල අත්පත් වෙමින් තිබෙන බව වාර්තා වෙනවා. අපි ඇඟිලි ගහන්නෑ. ඉතාම ස්වාධීන විමර්ශනයකට අපි ඉඩකඩ විවර කරලා දීලා තිබෙනවා.

එනිසාම වින්දිතයන්ට සාධාරණය ඉදිහත් ඉටුකිරීම සඳහා මැදිහත් වන ආණ්ඩුව තමයි අපේ ආණ්ඩුව.”

මේ වන විට අධිකරණයෙන් වැඩ තහනමට ලක්ව සිටින හිටපු පොලිස්පති දේශබන්දු තෙන්නකෝන් මහතාට නැවතත් වරක් මාතර මහේස්ත්‍රාත් අධිකරණය ඉදිරියේ පෙනීසිටින ලෙස කැඳවීමක් කර තිබේ.

ඒ අනුව ලබන 25වන සිකුරාදා මාතර මහේස්ත්‍රාත් අධිකරණයේ පෙනී සිටින ලෙස දේශබන්දු තෙන්නකෝන් මහතාට නියෝග කර තිබේ.

පසුගිය අප්‍රේල් 10වනදා දේශබන්දු තෙන්නකෝන් මහතාට මාතර මහේස්ත්‍රාත් අධිකරණයෙන් ඇප හිමි වූ දින අධිකරණ නියෝග කඩ කරමින් අධිකරණ භූමියට මෝටර් රථයක් ගෙන්වාගෙන පිටත්ව යෑම සම්බන්ධයෙන් කරුණු දැක්වීම සඳහා අතිරේක සොලිසිටර් ජෙනරල් දිලීප පීරිස් මහතා සූදානම් බැවින් හිටපු පොලිස්පතිවරයාට අධිකරණයේ පෙනී සිටින ලෙස නොතීසි නිකුත්කරන මෙන් අපරාධ පරීක්ෂණ දෙපාර්තමේන්තුව විසින් මාතර මහේස්ත්‍රාත් අධිකරණයට අද කරුණු දක්වා ඇති බව වාර්තා වෙයි.

පසුගිය අප්‍රේල් 10වනදා ඇප හිමිවූ පොලිස්පති දේශබන්දු තෙන්නකෝන් මහතාගේ නීතිඥයින් විසින් ඔහුගේ මෝටර් රථය උසාවිය භූමි තුළට ගෙනවිත් ඔහු රැගෙන යෑම සඳහා අවසර ලබා දෙන ලෙසත් අධිකරණ භූමියෙන් ඉවත්ව යන තෙක් පොලිස් ආරක්ෂාවක් ලබාදෙන ලෙසත් ඉල්ලා සිටි නමුත් අධිකරණයෙන් ඊට අවසර නොලැබිනි.

කෙසේවෙතත් එම නියෝගය ක්ෂණයකින් කඩකරමින් දේශබන්දු තෙන්නකෝන් මහතා සුපිරි මෝටර් රථයකට උසාවි භූමිය තුළින්ම නංවාගෙන ඉගිල යනු අයුරු මාධ්‍ය වාර්තා කර තිබිනි.

කොච්චිකඩේ ශාන්ත අන්තෝනි මුනිදුන්ගේ සිද්ධස්ථානයේ පැවැත් වෙන පාස්කු ඉරුදින ත්‍රස්ත ප්‍රහාරයෙන් මියගිය පුද්ගලයින් සිහිකරමින් ප්‍රධාන අනුස්මරණ දේව මෙහෙයට එක්වෙමින් අගරදගුරු අතිඋතුම් මැල්කම් කාදිනල් රංජිත් හිමිපාණන් විශේශ ප්‍රකාශයක් සිදුකළේය.

උන්වහන්සේ පවසා සිටියේ, පාස්කු ප්‍රහාරය ගැන සත්‍ය යට ගැසීමට පසුගිය දේශපාලන නායකත්වය ගත් උත්සාහය අදටත් ඇතැම් රජයේ ආයතන තුළින් ක්‍රියාත්මක වෙමින් පවතින බවයි.

එහිදී උන්වහන්සේ වැඩිදුරටත් පවසා සිටියේ එම පරාජිත දේශපාලන බලවේගවලට යටවූ විවිධ රජයේ ආයතන මෙහෙයවන පාරරාජ්‍යයක් ක්‍රියාත්මක වන බවයි.

එමෙන්ම ජනාධිපතිවරයා වෙත ඉල්ලීම් කිහිපයක් ද ඉදිරිපත් කළ උන්වහන්සේ පාස්කු ප්‍රහාරයට වගකිව යුතු අය නීතිය හමුවට ඉතා ඉක්මනින් ගෙන්වනු ඇතැයි තම ඒකායන බලාපොරොත්තුව බව ද සිහිපත් කළේය.

එනම්,

1. පාස්කු වාර්තාව පාර්ලිමේන්තුවට ඉදිරිපත් කර ජනගත කිරීම.

2. පාස්කු වැඩිදුර වැඩිදුර විමර්ශන නිරීක්ෂණයට හා නඩු පැවරීම ස්වාධීන අධිචෝදක කාර්යාලයක් ස්ථාපිත කිරීම.

3. ප්‍රහාරය පිටුපස ක්‍රියාත්මක වූ සියලු බලවේග කවරේදැයි සොයා බලා සත්‍ය රටට හෙළිකර, ඒ සඳහා ක්‍රියාත්මක වූ චූදිතයින් තරාතිරම නොබලා නීතිය හමුවට ගෙන ඒම.

4. 2019 සැප්තැම්බර් 21 ජනාධිපති කොමිසම් වාර්තාවේ සියලු නිර්දේශිත යෝජනා ක්‍රියාත්මක කිරීම කටයුතු කිරීම.

5. හමුදා බුද්ධි අංශය සහ සහරාන් හෂීම් නැමති ත්‍රස්ත නායකයා අතර, තිබූ සම්බන්ධය හා එංගලන්තයේ චැනල් 4 මගින් ඉදිරිපත් කළ වැඩසටහන පිළිබඳ පුර්ණ පරීක්ෂණයක් දියත් කර එහි ප්‍රධාන සාක්ෂියක් මෙහෙය වූ අසාද් මව්ලානා කී දේ ගැන ගැඹුරු විමර්ශනයකට ලක්කිරීම.

6. පාස්කු ප්‍රහාරයට තුඩු තුන් සියලු රහස් කුමන්ත්‍රණ පිටුපස තිබූ අව නීතියේ සංස්කෘතිය හා එයට උඩගෙඩි දෙන පාරරාජ්‍ය මේ රටින් ඉවත් කිරීමට අවශ්‍ය නීතිරීති සම්පාදනය.

7. රට තුළ දේශපාලන බලය ඇති අය පුරවැසියාගේ සේවකයෝ මිස පාලකයෝ නොවන බවට නව සංස්කෘතියක් දෙසට අප රට මෙහෙයවීම.

“පාස්කු ප්‍රහාරයෙන් පසුව එවකට නීතිපතිවරයා ලෙස කටයුතු කළ දප්පුල ද ලිවේරා මහතා මහා කුමන්ත්‍රණයක් මෙම ප්‍රහාරය පිටුපස ඇතැයි කියූ ප්‍රකාශයවත් තුට්ටුවකටවත් නොසලකා හැර එම තනතුරට පසුව පැමිණි නීතිපතිවරයා මෙන්ම නීතිපති දෙපාර්තමේන්තුව ද මේ ප්‍රහාරයේ පසුබිම හා එහි නීතිමය කටයුතු ගැන දැක්වූ මන්දගාමී හා පවතින පාලකයින්ට ළෙන්ගතුව ක්‍රියාකිරීමේ පිළිවෙත ද අද වෙනතුරුම මෙම නිලධාරීවාදයේ දක්වන සීතල වතුර ඉසීමේ ප්‍රතිපත්තිය නිසා ජනතාව විසින් පත්කරගන්නා ලද රජයකට විරුද්ධව හෝ තීරණගැනීමට ශක්තියක් ඇති පාරරාජ්‍යයේ ක්‍රියාකාරීත්වය කොතරම් දුරටත් බලවත්දැයි අපිට පෙන්වනු ලැබීය. 

අතිගරු ජනාධිපතිතුමන් ඉතා උනන්දුවෙන් මේ කටයුත්තට අතගසා ඇතත් එය මෙහෙයවීමට උසස් නිලධාරීන් කණ්ඩායමකට පවරා ඇතත් පවතින නීති පද්ධතිය හා එය ක්‍රියාවට නැංවීම භාර ඇතැම් නිලධාරීන්ගේ මන්දගාමී පැවැත්ම ඉදිරි කටයුතු විවිධ බාධක මධ්‍යයේ සිදුවන තත්ත්වයකට පත්ව ඇත. ජනතාව විසින් පවතින රජයට තුනෙන් දෙකක බලයක් ලබාදුන්නේ අවශ්‍ය ලෙස ව්‍යවස්ථාමය හා නෛතික වෙනස්කම් කරමින් ශ්‍රී ලංකා දේශය ලෙයින් තෙත් කළ ඇතැම් දේශපාලනික හා දාමරික බලවේග හෙළිදරව් කරමින් මිනිස් ඝාතන, අතුරුදන් කිරීම්, සුදු වෑන්, වධකාගාර, පාතාල ක්‍රියාකාරකම්, පෞද්ගලික හමුදා ආදිය තුළින් අප ඉතිහාසයට කළු පැල්ලමක් එක්කළ අය හඳුනාගෙන, ඒ අය නීතිය හමුවට ගෙන එන්නට ඉක්මනින් ක්‍රියා කරනු ඇතැයි සිතමිනි.

පාස්කු ප්‍රහාරයේ දීර්ඝ කඳුළු කතාවේ තවත් එක් පරිච්ඡේදයකි. දැනට පවතින නීතිරීති, යුක්තිය ඉටුකර රට පිරිසිදු කිරීම සඳහා නොසෑහේ නම් කළ යුත්තේ ඒ නීතිරීති වෙනස් කිරීමට ධෛර්යවන්ත වීමයි. ඒ සඳහා මේ රටේ පොදු ජනතාව ඉතා උනන්දුවෙන් පවතින රජයට සහාය දැක්වූ බව පැහැදිලිය. ඒ අනුව අපි අතිගරු ජනාධිපතිතුමාගෙන් ඉල්ලා සිටින්නේ, මේ සිදුවූ සියලු ප්‍රජාතන්ත්‍ර විරෝධී හා දේශපාලනිකව ත්‍රස්තවාදයට උඩගෙඩි දුන් ක්‍රියාදාමයන්ගෙන් අප සමාජය පිරිසිදු කිරීමට ක්‍රියාකාරී වන ලෙසයි. ජනාධිපතිතුමනි, මේ ප්‍රහාරයේ අහිංසකයින් ලේ හැලීම ඔබ තුමන් 2024 ඔක්තෝබර් 6 වන දින මීගමුවේ කටුවාපිටියේ දී පොරොන්දු වු ලෙසම, කාලයේ වැලිතලාවට යට වන්නට ඉඩ නොදී මෙහි සත්‍ය පසුබිම සොයා එයට සම්බන්ධ සියලු පුද්ගලයින් නීතිය හමුවට ගෙන එනු ඇතැයි අපගේ ඒකායන බලාපොරොත්තුවයි.”

ගම්පහදී විශේෂ කාර්ය බළකාය විසින් අද (19) T 56 ගිනි අවි දෙකක් සමග සැකකරුවන් දෙදෙනෙකු අත්අඩංගුවට ගෙන තිබේ.

පසුව සිදුකළ ප්‍රශ්න කිරීම් හමුවේ තවත් සැකකරුවන් පස් දෙනෙකුද අත්අඩංගුවට ගැනීමට සමත්ව ඇති අතර සැකකරුවන්ගෙන් සිදුකළ ප්‍රශ්න කිරීම් හමුවේ අනාවරණය වී ඇත්තේ ගම්පහ ඔස්මන් නැමැත්තා ඝාතනය කිරීමට එමින් සිටි බවය.

ගම්පහ ප්‍රදේශයේ ප්‍රසිද්ධ ව්‍යාපාරිකයකු හා වැවිලිකරුවකු වූ ඔස්මන්ඩ් මරා දමන්නට පාතාල කල්ලි වසර ගනනාවක් පුරා උත්සාහ ගනිමින් සිටී.

දෙවතාවක්ම ඔවුන් ඔස්මන් මරා දමන්නට සැලසුම් කළද ඔහු එම දෙවතාවෙන්ම බේරුණේය.

මීට පෙර උහු ඝාතනය කිරීම සඳහා තෙවතාවක් සැලසුම් කර තිබූ අතර තුන්වැනි වතාවේ කොන්ත්‍රාත්තුව රුපියල් ලක්‍ෂ පනහක් බව එවකට අනාවරනය විය.

මේ ඔහු ඝාතනය කිරීම සඳහා උත්සාහ කළ සිව්වන වතාවයි.