Foreign news (Sinhala)

ලෝකය පුරා සම්බන්ධතා ගොඩනැගූ ස්කයිප් (Skype) අන්තර්ජාල ඇමතුම් සේවාව අද දිනයේ සිට විශ්‍රාම ගන්වන බව මයික්‍රොසොෆ්ට් ආයතනය සඳහන් කරයි.

2003 වසරේදි ආරම්භ කරනු ලැබු මෙම සේවාව 2011 වසරේදී ගූගල් සහ ෆේස්බුක් සමාගම් අභිබවමින් මයික්‍රොසොෆ්ට් සමාගම ස්කයිප් මිලදී ගනු ලැබුවේය.

මයික්‍රොසොෆ්ට් සමාගම ස්කයිප් මිලදී ගනු ලැබුවේ අමෙරිකානු ඩොලර් බිලියන 8.5ක මුදලකට වන අතර පරිශීලකයින් මිලියන 150ක් සිට ඇති බව වාර්තා වේ.

මේ වනවිට පාකිස්තානය – ඉන්දියාව අතර පවතින දැඩි අර්බුදකාරී තත්ත්වය හමුවේ පාකිස්තාන ගුවන් විදුලි නාලිකා විසින් ඉන්දීය ගීත ප්‍රචාරය කිරීම අත්හිටුවා ඇත.

වහාම ක්‍රියාත්මක වන පරිදි රට පුරාම පකිස්ථාන ගුවන් විදුලි මධ්‍යස්ථාන වල ඉන්දියානු ගීත විකාශනය කිරීම නවතා දමා ඇති බව පාකිස්තාන විකාශන සංගමය (PBA) මහලේකම් ෂකීල් මසූඩ් සඳහන් කරයි.

පාකිස්තානයේ ගුවන් විදුලි නාලිකාවල ඉන්දියානු ගීත තහනම් කිරීමෙන් පෙන්නුම් කරන්නේ, ජාතික සමගිය ප්‍රවර්ධනය කිරීමට සහ මූලික වටිනාකම්වලට සහාය දැක්වීමට අපි සියලු දෙනාම එක්සත්ව සිටින බවද මහලේකම් ෂකීල් මසූඩ් සඳහන් කරයි.

ඉන්දියාව විසින් පාකිස්තානය ආක්‍රමණය කිරීමේ ඉඩක් තිබෙන බැවින් ගුවනින්, මුහුදින් හෝ ගොඩ බිමෙන් ඉන්දියාව එල්ල කරන ඕනෑම ප්‍රහාරයකට මුහුණදීමට පාකිස්තානය සිය හමුදා සූදානම් කර ඇති බව පාකිස්තාන ආරක්ෂක ඇමැති කවාජා සඳහන් කරයි.

පාකිස්තානයේ ස්වෛරීත්වයට හා භෞමික අඛණ්ඩතාවට එරෙහිව එල්ල වන ඕනෑම තත්ත්වයක් හමුවේ “දෙවියන්ගේ නාමයෙන්” ඊට සුදුසු ප්‍රතිචාර දක්වන බවත් රටට තර්ජනයක් වෙනවා නම් න්‍යෂ්ටික අවි භාවිතා කිරීමට සිදුවනු ඇති බවද පාකිස්තාන ආරක්ෂක ඇමැතිවරයා සඳහන් කරයි.

ඉන්දියාව සහ පාකිස්තානය යනු න්‍යෂ්ටික අවි වලින් සන්නද්ධ රටවල් වන අතර ඇති වෙමින් තිබෙන මෙම යුදමය තත්ත්වය හමුවේ දෙරට විදේශ කටයුතු ඇමැතිවරුන් සමග ඒ පිළිබඳව සාකච්ඡා කරන බව එක්සත් ජනපද රාජ්‍ය දෙපාර්තමේන්තු ප්‍රකාශිකා ටැම් බෲස් සඳහන් කළාය.

කෙසේ වෙතත් කාශ්මීරයේදී එල්ල වූ ප්‍රහාරයට ප්‍රතිචාර දක්වමින් පාකිස්තානයට ප්‍රහාර එල්ල කිරීම සඳහා ඉන්දීය අග්‍රාමාත්‍ය නරේන්ද්‍ර මෝදි විසින් ඉන්දීය ආරක්ෂක හමුදාවන්ට විශේෂ අවසරයක් ලබාදී ඇත.

ප්‍රහාර එල්ල කළ යුතු වේලාව සහ ඉලක්ක තීරණය කිරීමට ඉන්දීය අග්‍රාමාත්‍යවරයා එරට ආරක්ෂක හමුදාවන්ට පූර්ණ මෙහෙයුම් නිදහස ලබාදී ඇති බව ඉන්දීය මාධ්‍ය වාර්තා කරයි.

ඉන්දියා – පාකිස්තාන ගැටුම්කාරී තත්ත්වය යළි දරුණු වී ඇති පසුබිමක පකිස්ථානය හිමිකාරිත්වය දරණ සහ පකිස්ථාන පාලනය යටතේ ඇති සියලුම ගුවන් යානාවලට සිය ගුවන් අවකාශය වසා දැමීමට ඉන්දියානු රජය තීරණය කර ඇත.

කෙසේ වෙතත් පසුගියදා ඉන්දියානු හිමිකාරිත්වය දරණ සහ ඉන්දියානු පාලනය යටතේ ඇති සියලුම ගුවන් යානාවලට සිය ගුවන් අවකාශය වසා දැමීමට පකිස්ථාන රජය විසින් පියවර ගත්තේය.

කාශ්මීරයේදී එල්ල වූ ප්‍රහාරයට ප්‍රතිචාර දක්වමින් පාකිස්තානයට ප්‍රහාර එල්ල කිරීම සඳහා ඉන්දීය අග්‍රාමාත්‍ය නරේන්ද්‍ර මෝදි විසින් ඉන්දීය ආරක්ෂක හමුදාවන්ට විශේෂ අවසරයක් ලබාදී ඇත.

ප්‍රහාර එල්ල කළ යුතු වේලාව සහ ඉලක්ක තීරණය කිරීමට ඉන්දීය අග්‍රාමාත්‍යවරයා එරට ආරක්ෂක හමුදාවන්ට පූර්ණ මෙහෙයුම් නිදහස ලබාදී ඇති බව ඉන්දීය මාධ්‍ය වාර්තා කරයි.

ඉන්දීය අග්‍රාමාත්‍ය නරේන්ද්‍ර මෝදිගේ ප්‍රධානත්වයෙන් නවදිල්ලි හිදී රැස්වූ විශේෂ ජාතික ආරක්ෂක කවුන්සලයේදී මෙම අවසරය ලබාදී ඇත.

ඉන්දියාව විසින් ඉදිරි පැය 24 සිට 36 දක්වා කාලය තුළ හමුදා ප්‍රහාරයක් දියත් කිරීමට අදහස් කරන බවට විශ්වාසදායක බුද්ධි තොරතුරු ලැබී ඇති බවට පාකිස්තානයේ තොරතුරු අමාත්‍ය අතාවුල්ලාගේ X ගිණුමේ සටහනක් උපුටා දක්වමින් විදෙස් මාධ්‍ය වාර්තා කරයි.

ඉන්දියාවෙන් සිදුවන එවැනි ඕනෑම මිලිටරි වික්‍රමාන්විතයකට නිසැකවම සහ තීරණාත්මකව ප්‍රතිචාර දක්වන බවත් ඕනෑම වියදමක් දරා පාකිස්තානයේ ස්වෛරීභාවය සහ භෞමික අඛණ්ඩතාව ආරක්ෂා කිරීමට ජාතිය සිය අධිෂ්ඨානය නැවත අවධාරණය කරන බව අමාත්‍යවරයා පවසා ඇති බව විදෙස් මාධ්‍ය වාර්තා කරයි.

මේ වනවිට ඉන්දියාව සහ පාකිස්තානය අතර පැවති රාජ්‍ය තාන්ත්‍රික මතභේද අවි ගැටුමක් දක්වා තීව්‍ර වී ඇත.

ස්පාඤ්ඤයට සහ පෘතුගාලයට හදිසි තත්ත්වයක් ප්‍රකාශයට පත් කර ඇති බව විදෙස් මාධ්‍ය වාර්තා කරයි.

ප්‍රදේශ රැසක විදුලිය බිදවැටීම හේතුවෙන් මෙම පියවර ගෙන ඇති අතර ප්‍රංශය සහ ස්පාඤ්ඤය අතර විදුලිබල පද්ධතියේ ගැටළුවක් විදුලිය ඇනහිටීමට හේතුවී ඇතැයි විදෙස් මාධ්‍ය වාර්තා කරයි.

විදුලිය විසන්ධි වීම හේතුවෙන්, දෙරටේම දුම්රිය අවලංගු කිරීම්, ගුවන් තොටුපොළවල ප්‍රමාදයන් සහ මාර්ග සංඥා ක්‍රියා විරහිත වීම් සිදුව ඇති අතර විදුලි සැපයුම යථාවත් කිරීමට තවත් පැය කිහිපයක් ගත විය හැකි බව ස්පාඤ්ඤය සඳහන් කරයි.

කෙසේ වෙතත් පෘතුගාලයේ විදුලි බිඳ වැටීම යථා තත්ත්වයට පත් කිරීම සඳහා සතියක් පමණ කාලයක් ගතවනු ඇති බව එරට ප්‍රමුඛ බලශක්ති සමාගමක් වන රෙන් සඳහන් කරයි.