Foreign news (Sinhala)

හමුදා සේවයේ හිටපු සාමාජිකයන් සහ රුසියානු – යුක්‍රේන යුද්ධය ආරම්භ වීමට ප්‍රථම රුසියාවේ රැකියා සඳහා ගොස් සිටින ශ්‍රී ලාංකිකයින් එරට කුලී හමුදා සාමාජිකයින් ලෙස සේවයට බැඳී ඇතැයි තොරතුරු වාර්තා වේ.

රුසියානු – යුක්‍රේන කුලී හමුදාවන්ට එක්ව දුෂ්කරතා විඳින ශ්‍රී ලාංකිකයින් ඉන් මුදාගැනීමට රාජ්‍ය තාන්ත්‍රික මට්ටමින් අවශ්‍ය පියවර ගනිමින් සිටින බව ආරක්ෂක රාජ්‍ය අමාත්‍ය ප්‍රමිත බණ්ඩාර තෙන්නකෝන් සදහන් කරයි.

විපක්ෂය විසින් පාර්ලිමේන්තුවේදී මේ පිළිබඳව කළ ප්‍රශ්න කිරීම් හමුවේ පිළිතුරු ලබාදෙමින් රාජ්‍ය අමාත්‍ය ප්‍රමිත බණ්ඩාර තෙන්නකෝන් මේ බව සදහන් කරයි.

කාන්තාවන්ට රතු තොල් ආලේපන භාවිතය තහනම් කිරීමට උතුරු කොරියා නායක කිම් ජොන් තීරණය කර ඇති බව විදෙස් මාධ්‍ය වාර්තා කරයි.

කාන්තාවන් භාවිතා කරන රතු තොල් අලේපන ආකර්ශණය පෙන්නුම් කිරීමක් බැවින් එය තහනම් කිරීමට නායක කිම් ජොන් උන් පියවර ගෙන ඇත.

තවදුරටත් තොල් ආලේපන භාවිතා කරන කාන්තාවන්ට දැඩි දඬුවම් ලබාදීමට තීරණය කර ඇති අතර ජනප්‍රිය විලාසිතා ද තහනම් කිරීමට උතුරු කොරියානු රෙජීමය නීති පනවා ඇත.

වර්තමාන කාලයේ ග්ලැසියර සියල්ල අහිමි වූ පළමු රට වෙනිසියුලාව බවට සැ⁣ලකෙන අතර එරට තිබූ අවසන් ග්ලැසියරයත් දිනෙන් දින හැකිළෙමින් පවතින බව විද්‍යාඥයන් සදහන් කරයි.

පසුගිය 2011 වසර වන විට ග්ලැසියර පහක් අතුරුදහන් වී ඇති අතර රටේ දෙවන උසම කන්ද වන Pico Humboldt ආසන්නයේ La Corona ලෙසද හැඳින්වෙන Humboldt ග්ලැසියරය පමණක් ඉතිරි වී ඇත.

මුහුදු මට්ටමේ සිට මීටර් 5,000ක් පමණ උසින් පිහිටි සියෙරා නෙවාඩා ඩි මෙරිඩා කඳු වැටියේ ග්ලැසියරය ඉතිරි ඇති අතර මෙය හෙක්ටයාර් දෙකක ප්‍රදේශයක් පුරා පැතිර තිබුණු නමුත් දැන් දිනෙන් දින මෙය දියවී හැකිළීමට පටන් ගෙන ඇත.

දේශගුණ විද්‍යාඥ සහ කාලගුණ ඉතිහාසඥ මැක්සිමිලියානෝ හෙරේරා සදහන් කළේ,

” අනෙකුත් රටවලට කුඩා අයිස් යුගය අවසන් වීමෙන් පසු දශක කිහිපයකට පෙර ඔවුන්ගේ ග්ලැසියර අහිමි වූ නමුත් වෙනිසියුලාව නවීන කාලයේ ඒවා අහිමි වූ පළමු එක බවට විවාදයට ගත හැකිය.”

වසර 20කට වැඩි කාලයක් තුළ පෘථිවියට බලපෑ බලවත්ම සූර්ය කුනාටුව ගැන අනතුරු ඇගවීමක් එක්සත් ජනපද ජාතික සාගර හා වායුගෝලීය පරිපාලනය (NOAA) නිකුත් කළේය.

ඊයේ දින බලවත්ම සූර්ය කුනාටුව පෘථිවි වායුගෝලයට පහර දී ඇති අතර ලෝකයේ සමහර ප්‍රදේශවල දර්ශනීය ආකාශ ආලෝක සංදර්ශන නිපදවන අතරම උතුරු කලාපීය රටවල අහස රෝස හා කොළ පැහැයෙන් මේ හේතුවෙන් වර්ණවත් වී ඇත.

සූර්යාගෙන් නිකුත් වූ ප්‍රබල ගිනි දැල්ලක් හේතුවෙන් මෙම තත්ත්වය ඇති වී තිබෙන අතර මෙම කුණාටුවේ බලපෑමෙන් ඇතැම් ප්‍රදේශවල සන්නිවේදන පද්ධතිය හා විදුලි සැපයුමට පවා බාධා එල්ල වී ඇති බව විදෙස් මාධ්‍ය වාර්තා කරයි.

පසුගිය 2003 වසරේ ඔක්තෝම්බර් මාසයේ හැලොවීන් කුණාටුවෙන් පසු ඇති වූ පළමු සූර්ය කුණාටුව එය ස්වීඩනයේ විදුලිය විසන්ධි කිරීමට සහ දකුණු අප්‍රිකාවේ බල යටිතල පහසුකම් වලට හානි කිරීමට හේතු විය.

ඉදිරි දිනවලදී තවත් සූර්ය නෙරපා හැරීම් අපේක්ෂා කරන බවත් විදුලිය බිඳවැටීම්, ජංගම දුරකථන බාධා ජාල බිඳවැටීම, ගුවන් විදුලි පද්ධති අඩාල වීම මේ හරහා සිදුවී ඇති බව එක්සත් ජනපද ජාතික සාගර හා වායුගෝලීය පරිපාලනය (NOAA) සදහන් කරයි.

ඊශ්‍රායලය හා හමාස් යුද්ධයේදී කොන්දේසි විරහිතව ඊශ්‍රායලයට සහාය පළ කිරීමට ඉදිරිපත් වී සිටින අමෙරිකානු ජනාධිපති ජෝ බයිඩන් ඊශ්‍රායලයට අනතුරු අඟවා ඇති අතර එය සෘජුව අනතුරු ඇඟවීමක් කළ පළමු අවස්ථාව වේ.

ගාසා තීරයේ, රෆා නගරයට ඊශ්‍රායල හමුදා දිගින් දිගටම ප්‍රහාර එල්ල කරන්නේ නම් ඇමෙරිකාව ඊශ්‍රායලයට ආයුධ සැපයීම වහා නතර කරන බවත් ඊශ්‍රායලයට බෝම්බ සැපයීම තාවකාලිකව නතර කිරීමට තීරණය කර ඇති බවද අමෙරිකානු ජනාධිපතිවරයා අනතුරු අඟවමින් සදහන් කරයි.

අමෙරිකානු ජනාපධිතිවරයාගේ තීරණය කනගාටුවට කරුණක් බව ඊශ්‍රායල අග්‍රාමාත්‍ය බෙන්ජමින් නෙදන්යාහු සදහන් කර ඇති අතර අමෙරිකානු ජනාපධිතිවරයාගේ අනතුරු ඇඟවීම් කිසිදු ගණනකට නොගෙන ඊශ්‍රායල ගුවන් හමුදාව රෆා නගරයට ප්‍රහාර එල්ල කරන බව විදෙස් මාධ්‍ය වාර්තා කරයි.

අමෙරිකානු ජනාධිපති ජෝ බයිඩන් අනතුරු ඇඟවීම සිදුකර හමාස්වරුන්ගේ පැත්ත ගෙන ඊශ්‍රායලය අමාරුවේ දැමූ බව ඇමෙරිකාවේ හිටපු ජනාපධිති ඩොනල්ඩ් ට්‍රම්ප් සදහන් කර ඇති බව විදෙස් මාධ්‍ය වාර්තා කරයි.