Local news (Sinhala)

එයාර් ලංකා සමාගම යනු එවකට ලොව කීර්තිමත් ගුවන් සේවයක්. 1998 සමාගමේ කොටස්වලින් 44% කට ආසන ප්‍රමාණයක් සුප්‍රකට එමිරේට්ස් සමාගමට විකුණුවා. ඊට පස්සේ තමයි අපේ ජාතික ගුවන් සේවය ශ්‍රී ලංකන් එයාලයින් බවට පත් වුනේ.

2007 අවුරුද්ද අවසන් වෙද්දී එමිරේට්ස් සමාගමට ශ්‍රී ලංකන් එපා වෙන තත්ත්වයට පත් කළා. එවක ආණ්ඩුවේ ඉහළම පුද්ගලයා ලන්ඩන් ඉදන් එන්න ශ්‍රී ලංකන් ගුවන්යානයක් ප්‍රමාද කරන්න කියලා බල කරලා ඇතිවුණු සිද්ධියක් මුල් කරගෙන 2007 දෙසැම්බර් මාසයේ ශ්‍රී ලංකන් ප්‍රධාන විධායක නිලධාරියාගේ රැකියා අවසර පත්‍රය අවලංගු කළා.

ඊට මාස කිහිපයකට පස්සේ හරියටම 2008 අවුරුද්දේ එමිරේට්ස් අයිති වෙලා තිබුණු කොටස් ශ්‍රී ලංකා රජය ආපහු මිලදී ගන්නවා. 2008 ශ්‍රී ලංකන් සමාගම ආපහු ගන්නකොට ශ්‍රී ලංකන් සමාගම් සමූහයේ ලාභය රුපියල් මිලියන 4899ක්.

ශ්‍රී ලංකන් සමූහය කියන්නේ ගුවන් යානා මෙහෙයුම්වලට අමතරව ආහාර පාන සපයන ශ්‍රී ලංකන් කේටරින්, භූමි මෙහෙයුම් භාණ්ඩ ප්‍රවාහන සේවා ඇතුළු සමගම් කිහිපයක එකතුවක්.

2008 වසරේදී ශ්‍රී ලංකන් සමූහයට ඇතුලත් සමාගම් ආපහු ගත්තට පස්සේ දිගින් දිගටම සමාගම පාඩු ලබන්න පටන් ගත්තා. අවුරුද්දෙන් අවුරුද්දේ ලැබූ පාඩුව රුපියල් ලක්ෂ වලින් පහත දැක්වෙනවා.

ඒ අනුව මහින්ද රාජපක්ෂ පාලන සමයේ සිදුව ඇති සමස්ත පාඩුව රුපියල් ලක්ෂ 1,079,910 (මිලියන 107,991) , මෛත්‍රීපාල සිරිසේන පාලන සමයේ පාඩුව රුපියල් ලක්ෂ 1,007,070 (මිලියන 100,707) , ගෝඨාභය රාජපක්ෂ පාලන සමයේ පාඩුව රුපියල් ලක්ෂ 2,574,260 (මිලියන 257,426) , රනිල් වික්‍රමසිංහ පාලන සමයේ පාඩුව රුපියල් ලක්ෂ 713,060 (මිලියන 71,306).

මෙම දත්ත සමාගමේ වාර්ෂික වාර්තාවලින් උපුටා ගන්නා ලද ඒවා. පාඩුවේ තරම ගැන අවබෝධයක් ගන්න මේ හොඳටම ප්‍රමාණවත්.

ඒ අනුව 2009 සිට 2023 දක්වා වසර 14ක් තුළ රටේ මහජන බදු මුදල්වල සමස්ත අහිමිවීමෙන් එක් ව්‍යාපෘතියක් සඳහා ලක්ෂ දස දහසක් (10,000) බැගින් වෙන් කළත් අති නවීන රෝහල් 537ක් ඉදිකිරීමට තිබූ මුදලක් රටට අහිමිවී තිබෙනවා.

2008න් පස්සේ ලාභ ලැබු සමාගමක මුල් පුටුවට පත් කළේ ඒ වෙනකොට රටේ ඉහළම කෙනෙක්ගෙ ඥාතීයෙක්.

ඥාතියා සමාගමට කරපු දේවල් කිහිපයක් යහපාලන ආණ්ඩුව කාලයේ බරපතල වංචා දූෂණ හොයන්න පත් කරපු ජනාධිපති කොමිෂන් සභා වාර්තාවල සඳහන් වනවා.

2014 ජනවාරි 22 දා මැලේසියාවේ සිට කටුනායක දක්වා එන ගුවන් යානයේ ගමනාන්තය වෙනස් කිරීම.

2013 – 2014 කාල සීමාවේ ඥාති පුත්‍රයකු මැදිහත් වී සංවිධානය කළ රක්බි තරංගයකට ආහාර පාන සැපයීම.

2014 දෙසැම්බර් 19 ජනාධිපතිවරණ ප්‍රචාරක රැලියකට ගිය කලා ශිල්පීන්ට ආහාරපාන සැපයීම.

ගුවන් සේවිකාවකට විශේෂ දීමනාවක් ගෙවීම.

2014 ජනවාරි 26 ප්‍රංශය බලා ගමන් කිරීමට සිටි මගීන් 75 දෙනෙකු පැමිණීමට පෙර යානය පිටත් කර හැරීම.

2011 ජූලි 27 වනදා සිට 2014 නොවැම්බර් 22 දක්වා සිවිල් ගුවන්සේවා අමාත්‍යවරයාගේ වාහන සඳහා සමාගමෙන් ඉන්ධන වියදම් ගෙවීම.

නීත්‍යානුකූල හිමිකමක් නොමැති වාහන භාවිත කිරීම.

මේ චෝදනා සම්බන්ධයෙන් දූෂණය දූෂණයට කුමන්ත්‍රණය කිරීම සාපරාධී සාවද්‍ය පරිහරණය ඇතුළු අපරාධ චෝදනා යටතේ නඩු පැවරුවත් එම නඩු වලට වෙච්චි දෙයක් නම් තවමත් දැනගන්න නැහැ.

සමාගම අද පවතින තත්ත්වයට ඇද දැමීමට බලපෑ තවත් බරපතල සිද්ධියක් 2013 සහ 2012 කාලයේ සමාගමේ ගුවන් යානා 13ක් ඉවත් කරලා ඒ වෙනුවට අලුත්ම එයා බස් 14 ක් ගන්න යෝජනා වුනා.

ප්‍රංශයේ එයා බස් සමගම සහ ශ්‍රී ලංකන් සමාගම අතර සිදුවූ මෙම ගිවිසුමේ අත යට ගණුදෙනුවක් පසුව ප්‍රංශ බරපතල වංචා විමර්ශන ඒකකය විසින් අනාවරණය කළා.

එම අනාවරණය අනුව ශ්‍රී ලංකන් සමාගමේ ඉහළම නිළධාරියෙක්ට ඇමරිකානු ඩොලර් මිලියන 16.84ක පගාවක් පොරොන්දු වී ඉන් ඩොලර් මිලියන 2ක් ගෙවා තිබුනා.

මේ හෙළිදරව්ව අපේ රටට පාලකයින් යැයි කියාගත් දූෂිතයන් විසින් සිදුකළ එක් විනාශයක් පමණයි. ඔබේත් මගේත් රටේ අනාගත පරපුර වෙනුවෙන් මෙවර මහ මැතිවරණයේදී රටේ ප්‍රතිපත්ති සකස් කිරීම සඳහා අදූෂිත අවංක පිරිසක් පාර්ලිමේන්තුවට යැවීමට කටයුතු කරන්න.

දේශපාලන වහල් බාවයෙන් මිදෙන්න.. ඔබටත් රටටත් ජය.!

පොලිස්පති නියමෙන් ප්‍රකාශයක් ගැනීම සඳහ් හිටපු ජනාධිපති ගෝඨාභය රාජපක්ෂ මහතාගේ පෞද්ගලික ලේකම් සුගීෂ්වර බණ්ඩාර මහතා අපරාධ පරීක්ෂණ දෙපාර්තමේන්තුවට කැඳවා ඇතැයි වාර්තා වෙයි.

සුගීෂ්වර බණ්ඩාර මහතා එලෙස කැඳවා ඇත්තේ 2022 මාර්තු 31 වැනිදා ගෝඨාභය රාජපක්ෂ මහතාගේ පෞද්ගලික නිවෙසට යන මාර්ගය වන මිරිහාන පැඟිරිවත්ත මාර්ගයේ උද්ඝෝෂණය කළ පිරිසකට සිවිල් ඇඳුමින් සැරසුණු පුද්ගලයන් පහරදී ප්‍රකෝප කිරීමේ සිද්ධිය සම්බන්ධයෙන් පොලිස්පති නියමයෙන් පැවැත්වෙන විමර්ශනවලට අදාළවයි.

එම පහරදීමෙන් තුවාල ලැබූ 12 දෙනකු ශ්‍රේෂ්ඨාධිකරණය හමුවේ මූලික අයිතිවාසිකම් නඩු පැවරූ අතර පසුගිය රජය විසින් එම විමර්ශන අකර්මන්‍ය කර තිබුනි.

අද (04) දිනයේ කොළඹ කොටස් වෙළෙඳපොළේ (CSE) සියලුම කොටස් මිල දර්ශකය (ASPI) 12,000 සීමාව පසු කර ඇත.

දර්ශකය ඒකක 123.50කින් (1.04%) කොටස් වෙළඳපොළ ඉහළ ගොස්, ඒකක 12,053.49ක් බවට පත්වුණ අතර පිරිවැටුම රුපියල් බිලියන 2.8කි.

පසුගිය ජූලි (03) වැනිදායින් පසුව ප්‍රථම වරට මෙම සීමාව පසු කිරීමට අද (04) දින සමත් විය.

ඔස්ට්‍රේලියාවේ, චීනයේ හිටපු රාජතාන්තිකයෙකුට තර්ජනය කළ බවට වන සිදුවීමක් සම්බන්ධව හිටපු රාජ්‍ය අමාත්‍ය පියල් නිශාන්තට එරෙහිව බස්නාහිර පළාත් දකුණ අපරාධ කොට්ඨාසයට පැමිණිල්ලක් කර ඇත.

පැමිණිලිකරු සීනෝර් පදනමේ සභාපති වශයෙන් කටයුතු කර ඇති හිටපු රාජ්‍ය අමාත්‍ය පියල් නිශාන්ත තර්ජනය කිරීම හේතුවෙන් ඔහු ඉකුත් මාර්තු මාසයේදී එම ධුරයෙන් ඉල්ලා අස්වී ඇත.

හිටපු රාජ්‍ය අමාත්‍ය පියල් නිශාන්තට එරෙහිව අපරාධ හා අල්ලස් නඩුවක් ගොනු කිරීම හේතුවෙන් අවස්ථා කිහිපයකදී තමන්ට තර්ජනය කළ බවද එම පැමිණිල්ලේ සදහන් කර ඇත.

ව්‍යාජ ලෙස සකස් කළ ජාතික හැඳුනුම්පතක් ඉදිරිපත් කරමින් කූට ලේඛනයක් ඉදිරිපත් කර මෙරට විදේශ ගමන් බලපත්‍රයක් ලබා ගැනීමේ චෝදනාවට හිටපු රාජ්‍ය ඇමති ඩයනා ගමගේට එරෙහිව ගොනුකර ඇති නඩුව අද (04) දින කොළඹ මහාධිකරණයේ දී කැඳවනු ලැබුවෙිය.

ඩයනා ගමගේට එරෙහි නඩුවේ සාක්ෂි ලැයිස්තුවට තවත් සාක්ෂිකරුවකු එක් කිරීමට තීරණය කර ඇති බවත් එබැවින් අදාළ සාක්ෂි ලැයිස්තුව සංශෝධනය කිරීමට රජයේ නීතිඥවරිය අධිකරණයෙන් අවසර ඉල්ලා සිටි අතර අනතුරුව මහාධිකරණ විනිසුරුවරයා අදාළ සාක්ෂි ලැයිස්තුව සංශෝධනය කිරීමට අවසර දුන්නේය.

මෙම නඩුවේ නඩු භාණ්ඩයක් ලෙස නම් කර තිබෙන විත්තිකාරියගේ උප්පැන්න සහතිකයේ මුල් ගොනුව නඩු විභාගය ආරම්භ කිරීමට පෙර පරීක්ෂා කිරීමට තමන්ට අවශ්‍ය බව විත්තිය වෙනුවෙන් පෙනී සිටි ජනාධිපති නීතීඥ ශානක රණසිංහ අධිකරණය හමුවේ ප්‍රකාශ කළේය.

ඒ අනුව අදාල ගොනුව දැනට පවතින ස්ථානයේ සිට සතියක් තුළ අධිකරණයට ඉදිරිපත් කිරීමට පියවර ගන්නා ලෙස විනිසුරුවරයා විසින් අපරාධ පරීක්ෂණ දෙපාර්තමේන්තුවේ අධ්‍යක්ෂවරයාට නියෝග කළ අතර වැඩිදුර පූර්ව නඩු විභාග සම්මන්ත්‍රණය සඳහා නොවැම්බර් මස (04) වනදා නඩුව කැඳවීමට නියම කළේය.