Why is this happening (Sinhala)

රාජ්‍ය පරිපාලන අමාත්‍යාංශය විසින් සියළුම අමාත්‍යාංශ ලේකම්වරුන්ට සහ ආයතන ප්‍රධානීන් වෙත දැනුම් දී ඇත්තේ රාජ්‍ය සේවකයන්ගේ වැඩි කළ වැටුප අප්‍රේල් වැටුප අනිද්දා (10) වනවිට ගෙවීමට කටයුතු කරනා ලෙසයි.

කෙසේවෙතත්, පිළිගත් හේතුවක් මත එම අයවැයෙන් සංශෝධිත වැටුප එදිනට ගෙවීමට නොහැකි නම් එම හිඟ මුදල අප්‍රේල් (25) වැනිදා ගෙවීමට කටයුතු කළ යුතු බව අමාත්‍යංශය විසින් වැඩිදුරටත් දැනුම්දී ඇත.

ජෝතිෂ්‍ය විද්‍යාව තුළ හඳුනා ගැනෙන සෙනසුරු යනු කර්මයට තීන්දු දෙන ග්‍රහයායි. ඊට මූලික හේතුව සෙනසුරු ගේ වෙනස් වීම් තුළින් කෙනකුගේ දියුණුව මෙන්ම කඩා වැටීමත් එක ලෙසින් සිදුවීමට ඇති ඉඩකඩයි.

මෙලෙසින් විවිධ යෝග කාරකයන් ගෙන දෙන බලවත් සෙනසුරු ග්‍රහයා ගේ සුවිශේෂී ග්‍රහ මාරුවක් 2025 මාර්තු මස 29 වැනි දින සිදුවිය. එය වසර 30කට පසුව සිදුවූවකි. එදින සෙනසුරු ග්‍රහයා මීන රාශියට සම්ප්‍රාප්ත විය.

කෙසේවෙතත් මෙම ග්‍රහ මාරුවේ බලපෑම හිටපු අමාත්‍ය කෙහෙළිය ඇතුළු තවත් මැති ඇමතිවරුන් 8 දෙනෙකුට ඉතා නරක ප්‍රතිඵල අත්කර දීමට සමත්ව ඇති බව රජයේ අභ්‍යන්තර තොරතුරු හරහා අනාවරණය වෙයි.

හිටපු ජ්‍යෙෂ්ඨ කැබිනට් අමාත්‍යවරුන් ගණනාවකටත් රාජ්‍ය අමාත්‍යවරුන් ගණනාවකටත් එරෙහිව අධි චෝදනා යටතේ නඩු පැවරීමට නීතිපති දෙපාර්තමේන්තුව කටයුතු කරමින් සිටින බව පැවසෙයි.

මේ අනුව පැවරෙන ප්‍රධානම නඩුව හිටපු සෞඛ්‍ය අමාත්‍ය කෙහෙළිය රඹුක්වැල්ල  මහතාට එරෙහිව ඉදිරි දින කිහිපය තුළ පැවරෙනු ඇතැයි දැනගන්නට තිබේ. ඒ හියුමන් ඉමියුනෝග්ලොබියුලින් බෙහෙත් ආනයනයේදී සිදු කළ වංචාව සම්බන්ධයෙනි.

මේ හැර තවත් හිටපු කැබිනට් අමාත්‍යවරුන් තිදෙනකුට සහ රාජ්‍ය අමාත්‍යවරුන් පස්දෙනකුටත් නඩු පැවරීමට අදාළ විමර්ශන අපරාධ පරීක්ෂණ දෙපාර්තමේන්තුව සහ අල්ලස් දූෂණ විමර්ශන කොමිෂන් සභාව විසින් දියත් කර ඇතැයි සඳහන් වෙයි.

හිටපු ජ්‍යෙෂ්ඨ රාජ්‍ය නිලධරයන් ගණනාවකට අදාළ පරීක්ෂණ ද ආරම්භ කර තිබේ. ජනාධිපති අරමුදලින් මුදල් ලබාගත් දේශපාලනඥයන් ගැන ද මේ වනවිට වෙනම විමර්ශනයක් සිදු කරමින් පවතී.

මෙම නඩු ඉතා ඉක්මනින් පැවරීමට නීතිපතිවරයා සිය ජ්‍යෙෂ්ඨ නිලධාරීන්ට උපදෙස් දී ඇත.

සරත් කුමාර එදිරිසිංහ හෙවත් ‘සිංගප්පූරු සරත්’ නැමැත්තා පොලිස් අත්අඩංගුවට ගෙන තිබේ.

ඔහු බන්ධනාගාරගත කර සිටින හිටපු අමාත්‍ය මර්වින් සිල්වා මහතාට එරෙහි නඩුවේ 4 වන සැකකරු වෙයි.

අද (04) උදෑසන කිරිබත්ගොඩ ප්‍රදේශයේ ඔහුගේ නිවසේ දී අපරාධ පරීක්ෂණ දෙපාර්තමේන්තු නිලධාරීන් විසින් එම අත්අඩංගුවට ගැනීම සිදුකර තිබුණි.

අදාළ පුද්ගලයා එවක්ස්ට මර්වින් සිල්වා මහතාගේ පාර්ලිමේන්තු කටයුතු පිළිබඳ ලේකම්වරයා වශයෙන් ද කටයුතු කර තිබේ.

‘සැකකරු මහර මහෙස්ත්‍රාත් අධිකරණයට ඉදිරිපත් කිරීමෙන් අනතුරුව අප්‍රේල් මස 9 වනදා දක්වා රක්ෂිත බන්ධනාගාරගත කෙරුණි.

මොරටුව පොලිස් වසමේ උස්වත්ත රවුම් පාර ප්‍රදේශයේ වෙරළ තීරයේ තිබී කාන්තා මළසිරුරක් හමුවී තිබේ. 

කාන්තා මළසිරුරක් ඇති බවට මොරටුව පොලිස් ස්ථානයට ලද තොරතුරක් අනුව සිදුකළ පරීක්ෂාවකදී පොලීසියට මෙම සිරුර හමුව ඇත.

මරණකාරිය වයස අවුරුදු 58ක් වූ කෙසෙල්වත්ත ප්‍රදේශයේ පදිංචිකාරියක් බවට තහවුරු කරගෙන තිබේ.

මෘතශරීරය සම්බන්ධයෙන් හදිසි මරණ පරික්ෂණයෙන් පසු පශ්චාත් මරණ පරික්ෂණය සඳහා කළුබෝවිල රෝහලේ මෘතශරීරාගාරයේ තැන්පත් කර ඇති අතර මොරටුව පොලීසිය වැඩිදුර විමර්ශන සිදු කරයි.

කළුතර කොට්ඨාශ අපරාධ විමර්ශන ඒකකය මගින් කළුතර ගමගොඩ පාර, රජවත්ත ප්‍රදේශයේ නිවසකට පෙට්‍රල් බෝම්බ ප්‍රහාරයක් එල්ලකර සය හැවිරිදි පිරිමි දරුවෙකු ඝාතනය කිරීම සහ කාන්තාවකට බරපතල තුවාල සිදුකිරීමේ සිද්ධිය සම්බන්ධයෙන් පුද්ගලයන් දෙදෙනකු අත්අඩංගුවට ගෙන තිබේ.

දොඩංගොඩ අක්කර 33 ප්‍රදේශයේ සහ සහ කළුතර කෝන්ගොඩ ප්‍රදේශයේ පදිංචි අවුරුදු 23 සහ 25 වයස්වල පසුවන තරුණයින් දෙදෙනෙක් එලෙස අත්අඩංගුවට ගෙන ඇත.

අදාළ සැකකරුවන් ඉකුත් 29 වනදා රාත්‍රියේ කළුතර ගමගොඩ ප්‍රදේශයේ නිවසකට පෙට්‍රල් බෝම්බ ප්‍රහාරයක් එල්ලකර ඇති අතර එහිදී කාන්තාවක් තුවාල ලබා පස් හැවිරිදි පිරිමි දරුවෙකු මියගොස් තිබුණි.

මියගිය දරුවා එම නිවසට රූපවාහිනිය නැරඹීමට පැමිණ සිටි අසල්වාසී දරුවෙකු පසුව අනාවරණය විය.

මත්කුඩු ජාවරමකට අදාළ මුදල් ගනුදෙනුවක් මත ලබාදුන් කොන්ත්‍රාත්තුවක් අනුව සැකකරුවන් තුවාල ලැබූ කන්තාව ඉලක්ක කරගනිමින් පෙට්‍රල් බෝම්බ ප්‍රහාරය එල්ලකර ඇති අතර ප්‍රහාරයෙන් පිලිස්සුම් තුවාල ලැබූ දරුවාගේ විලාපය සමග සැකකරුවන් රැගෙන ආ අනෙක් බෝම්බය එල්ල නොකරම පලාගොස් තිබුණි.

සැකකරුවන් ප්‍රහාරය සදහා  භාවිතා කල යතුරුපැදිය, තවත් පෙට්‍රල් බෝම්බයක් සැදීමට භාවිතා කල දෑ සහ ජංගම දුරකථන දෙකක්ද පොලිසියිය විසින් සොයාගෙන ඇත.

මෙම කොන්ත්‍රාත්තුව වෙනුවෙන් සැකකරුවන්ට ලැබී ඇත්තේ රුපියල් 5000 ක මුදලක් බවටද සිදුකල වැඩිදුර විමර්ශන වලදී හෙලිව ඇති අතර සැකකරුවන් කළුතර මහේස්ත්‍රාත් අධිකරණයට ඉදිරිපත් කිරිමට නියමිතයි.

සැකකරුවන් බෝම්බ ප්‍රහාරය එල්ල කිරීමට පෙර එම නිවස වෙත ගමන් ගන්නා ආකාරය මෙන්ම, පෙට්‍රල් මිලදී ගැනීම සඳහා කළුතර ප්‍රදේශයේ ඉන්ධන හලකට පැමිණෙන අයුරු දැක්වෙන සීසීටීවී දර්ශනද පොලීසිය විසින් සොයාගෙන තිබෙනවා

හිටපු අමාත්‍ය ලොහාන් රත්වත්තේ මහතා පළාත් පාලන මැතිවරණයේ මහනුවර දිස්ත්‍රික් ජන හමුවක් අමතමින් පැවසූවේ තමා පසුගිය මහ මැතිවරණයේදී අපේක්ෂකයෙකු ලෙස ඉදිරිපත් නොවුණේ තමා මෙතරම් සේවයක් රට වෙනුවෙන් සිදුකර තිබියදී ජනතාවට එහි අගයක් නොමැති බව දැනුනු නිසා බවයි.

තමා කිසිම දිනක පක්ෂය දාලා ගියේ නොමැති බවත් පක්ෂය දාලා යන්නේ නොමැති බවත් සඳහන් කළ රත්වත්තේ මහතා වැඩිදුරටත් පවසා සිටියේ ජනාධිපති රනිල් වික්‍රමසිංහ මහතාට සහයෝගය ලබා දුන්නේද පක්ෂයේ එකඟතාවය අනුව පමණක් බවයි.

ඔහු පවසන්නේ වත්මන් රජය බලයට පත්වීමට පෙර ලබාදුන් එකදු මැතිවරණ පොරොන්දුවක්වත් මේ වන විට ජනතා වෙනුවෙන් ඉෂ්ට කර නොමැති බවයි.

එහිදී වැඩිදුරටත් අදහස් දැක්වූ රත්වත්තේ මහතා,

“මං දන්න තරමින් මටනම් පොරොන්දු දෙකක් කරා.. මාව හිරේ දැම්මා.. මගේ නෝනවත් හිරේ දැම්මා.. ලැජ්ජයි ජනාධිපතිතුමා. මාව හිරේ දැම්මට කමක් නෑ, මගේ නෝනවත් හිරේ දැම්මා.. මේකද දේශපාලනය. අනුරාධපුර හිටපු මහ ඇමතිතුමා හිරේ දාලා තියෙනවා චන්ද්‍රසේන ඇමතිතුමාගේ නෝනවත් හිරේ දාලා තියෙනවා. තමුන්නාන්සේලා 88-89 කරපු දේවල් වලට තමුන්නාන්සේලා එල්ලුම් ගස් යන්න ඕනේ.

ඒනිසා අපි ඉතාම ගෞරවයෙන් ඉල්ලා හිටිනවා තමුන්නාන්සෙලා මේ රටට හොඳක් කරනවා නම් අපි තමුන්නාන්සේලත් එක්ක ඉන්නවා, හැබැයි එහෙම නැත්නම් අපිටත් විකල්ප මාර්ගයක් ගන්න වෙනවා කියන පණිවිඩය අපි අද දෙන්න ඕනේ.

එනිසා මම ආණ්ඩුවට බනින්න යන්නේ නෑ.. ප්‍රශ්නයක් නෑ.. තමුන්නාන්සේලාට ජනවරමක් ලැබිල තියෙනව.. හැබැයි ඉෂ්ට කරන්න ඕනේ.. ඒක ඉෂ්ඨ කරන්න ඕනේ.. බැරි නම් බෑ කියන්න. නාමල්ට දෙන්න. අපි ඉන්නවා ඒකට උදව් කරන්න.

මහින්දත් තාම ඉන්නවා.. ඒ හින්දා අපි ජනාධිපතිතුමාගෙනුත් අග්‍රාමාත්‍යතුමියගෙනුත් ඒ පක්ෂයේ ඉන්න සියලුම දෙනාගෙන්ම ඉල්ලා හිටිනවා පලි ගන්නෙ නැතුව මේ රට හදන්න.. තමුන්නාන්සේලා දුන්නු පොරොන්දු ටික ඉෂ්ට කරන්න බැරි නම් අපිට දෙන්න.. අපි කරල පෙන්නන්නම්. අපි කරල තියෙනවා. කරන්නත් දන්නවා. මහින්ද මහත්තයා මේ රටට කරපු දේවල් තමුන්නාන්සේලා සියලු දෙනාම දන්නවා.”

මම අනුර කුමාර ජනාධිපතිතුමාට කියනවා මාව හිරේ දාන්න දහ සැරයක් දාන්න පහළොස් සැරයක් දාන්න කිසි ප්‍රශ්නයක් නෑ.. හැබැයි මගේ නෝනට අත තිබ්බොත් නං මම කරන දේ මම දන්නවා”