හරක් කටා නැමැත්තාගේ බිරිඳගෙන් අල්ලස් ගත් බවට චෝදනා එල්ල වන සමගි ජන බලවේගයේ හිටපු හොරණ සංවිධායක චරිත් අබේසිංහගේ දේපලක් අත්හිටුවීමට අල්ලස් හෝ දූෂණ චෝදනා කොමිසම පියවර ගෙන ඇත.
ඒ අනුව සමගි ජන බල වේගයේ හිටපු හොරණ සංවිධායක චරිත් අබේසිංහට අයත් හොරණ පිහිටි සුවිසල් නිවසක් පරිහරණය අත්හිටුවා ඇත.
එම සිද්ධිය සම්බන්ධයෙන් චෝදනා ලැබූ ගුවන් තොටුපොළ හා ගුවන් සේවා සමාගමේ හිටපු අධ්‍යක්ෂ වරුෂ හැන්නදිගේ අරුණ ශ්‍රී චතුරංගට අයත් වාහනයක් ද පරිහණය අත්හිටුවා ඇත.
“හරක් කටා” ඝාතනය කිරීම වැළැක්වීම සඳහාත්, ඔහුගේ රැඳවුම් නියෝග ඉවත් කර බූස්ස අධිආරක්‍ෂිත බන්ධනාගාරය හැර වෙනත් බන්ධනාගාරයක් වෙත යොමු කිරීම ඇතුළු විමර්ශන සඳහාත් සහය දීමට හරක් කටාගේ බිරිඳගෙන් රුපියල් ලක්ෂ 1200ක් ලබා ගැනීමේ සිද්ධිය සම්බන්ධයෙන් රඛිත රාජපක්ෂ, චරිත් අබේසිංහ සහ වරුෂ හැන්නදිගේ අරුණ ශ්‍රී චතුරංගට චෝදනා එල්ල වේ.
