පාතාල කල්ලි නායක මාකඳුරේ මධුෂ් ඝාතන සිද්ධිය සම්බන්ධයෙන් සිදුකරන විමර්ශන වලට අදාළව කොළඹ අපරාධ කොට්ඨාසයේ හිටපු අධ්යක්ෂ සහ විශ්රාමික ජ්යේෂ්ඨ පොලිස් අධිකාරිවරයෙකු වන ජනක් නන්දන ඇතුළු නිලධාරීන් සිව් දෙනෙකු අත්අඩංගුවට ගැනීම වළක්වාලමින් අභියාචනාධිකරණය විසින් අපරාධ පරීක්ෂණ දෙපාර්තමේන්තුවේ අධ්යක්ෂක වෙත අතුරු තහනම් නියෝගයක් නිකුත් කර ඇත.
කොළඹ අපරාධ කොට්ඨාසයේ සේවය කළ එම නිලධාරීන් විසින් ඉදිරිපත් කළ පෙත්සමක් සලකා බැලීමෙන් අනතුරුව අභියාචනාධිකරණ විනිසුරු ප්රියන්ත ප්රනාන්දු විසින් මෙම නියෝගය නිකුත් කර ඇත.
ඉදිරිපත් කළ කරුණු සලකා බැලූ අභියාචනාධිකරණය විසින් මෙම නියෝග නිකුත් කළ අතර එම නඩුකරය යළි මැයි මස (15) වනදා කැඳවීමට නියම කෙරුණි.
