අසල්වැසි ඉන්දීය රජයේ පූර්ණ අනුග්රහය ඇතිව මෙරටට වැඩම කරවන ශ්රී සර්වඥ ධාතූන්වහන්සේ කටුනායක බණ්ඩාරනායක ජාත්යන්තර ගුවන්තොටුපොළින් අද (04) පස්වරු 1.00ට පමණ මෙරටට වැඩම කරවනු ලැබීය.
ඉන්දියාවට අයත් විශේෂිත ගුවන් යානයකින් ශ්රී සර්වඥ ධාතූන්වහන්සේ වැඩම කරවීම සිදු කෙරුණ අතර ශ්රී සර්වඥ ධාතූන්වහන්සේ කොළඹ හුණුපිටිය ගංගාරාම විහාරස්ථානය වෙත අද පස්වරුවේ වැඩම කරවීමට නියමිතය.
”ශ්රී සර්වඥ ධාතූන්වහන්සේ වන්දනාව” ජනාධිපති අනුර කුමාර දිසානායකගේ ප්රධානත්වයෙන් අද පස්වරුවේ ආරම්භ වීමට නියමිත අතර සැදැහැවත් ජනතාවට සර්වඥ ධාතූන්වහන්සේ වැඳපුදා ගැනීමට හෙට (05) සිට ලබන (11) වැනිදා දක්වා දින හතක කාලයක් කොළඹ ගංගාරාම විහාරස්ථානයේදී අවස්ථාව හිමි වේ.
පසුගියදා සිදුවූ ඉන්දීය අග්රාමාත්ය නරේන්ද්ර මෝදිගේ ශ්රී ලංකා සංචාරයේදී ජනාධිපති අනුර කුමාර දිසානායක සමග පැවැත්වූ සාකච්ඡාවක ප්රතිඵලයක් ලෙස මෙම ශාරීරික ධාතූන් වහන්සේ වැඳ පුදා ගැනීමේ දුර්ලභ අවස්ථාව මෙරට ජනතාවට උදා වී ඇත.
