ඝාතනයට ලක්වූ එල්.ටී.ටී.ඊ සංවිධානයේ හිටපු නායක වේලුපිල්ලේ ප්රභාකරන්ගේ යාපනයේ වැල්වෙටිතුරෙයි ප්රදේශයේ පිහිටි නිවස පූර්ණ අලුත්වැඩියාවකට ලක් කොට ඔහුගේ නැගණිය වෙත භාර දිය යුතු බවට වැල්වෙට්ටිතුරේ ප්රාදේශීය සභාවට ඉදිරිපත් වූ යෝජනාවක් පසුගිය 2 දා ඒකමතිකව සම්මත වී තිබේ.
වැල්වෙට්ටිතුරේ ප්රාදේශීය සභාවේ මන්ත්රී එම්.කේ. ශිවාජිලිංගම් විසින් එම යෝජනාව සභාවට ඉදිරිපත් කර තිබේ. ඔහු ප්රභාකරන්ගේ මස්සිනා කෙනකු වන අතර සෑම වසරකදීම ඔහු ප්රභාකරන්ගේ උපන් දිනයදා එම නිවස ඉදිරිපිට කේක් කපා ප්රභාකරන්ගේ උපන් දිනය සමරනු ලබයි.
ලෝකයේ බොහෝ නායකයින්ගේ නිවාස මේ ආකාරයට ප්රතිසංස්කරණය කොට ඉදිරි පරපුරට දැක බලා ගැනීමට සංරක්ෂණය කරන නිසා සියලුදෙනා ප්රභාකරන්ගේ නිවස යැයි කියන එම නිවසද සම්පූර්ණයෙන්ම ප්රතිසංස්කරණය කොට තැබිය යුතු බව ශිවාජිලිංගම් මෙම යෝජනාව සභාවට ඉදිරිපත් කරමින් පවසා ඇත.
ඒ අනුව ආරක්ෂාව හා පැවැත්ම උදෙසා එම නිවස ප්රතිසංස්කරණය කිරීමෙන් පසුව ප්රභාකරන්ගේ නැගණිය වෙත භාර දීම ඉතා උචිත බව ප්රකාශ කොට එම්.කේ. ශිවාජිලිංගම් ඉදිරිපත් කළ එම යෝජනාවට සභාවේ ඒකමතික කැමැත්ත පළ වී තිබේ.
