මාතර, කුඩාවැල්ල ප්‍රදේශයෙන් ධීවරයින් සිව්දෙනෙකු සමග පිටත්ව ගිය යාත්‍රාවක් අතුරුදන්ව ඇති බව නාවික හමුදාව සඳහන් කරයි.
ධීවර යාත්‍රාවක් අතුරුදන්ව ඇති බවට ලද තොරතුරු මත එම යාත්‍රාව සොයා ගුවන් හමුදාව සහ නාවික හමුදාව මෙහෙයුම් අරම්භ කර ඇත.
අදාළ ධීවර යාත්‍රාව පසුගිය (21) වනදා ධීවර කටයුතු සදහා පිටත්ව ගොස් ඇති අතර එහි සිටි ධීවරයින් අවසන් වරට පසුගිය (23) වනදා යාත්‍රාවේ හිමිකරු සමග සන්නිවේදනය සිදුකර ඇත.
ඉන් අනතුරුව අදාළ ධීවර යාත්‍රාව සමග තිබූ සබදතා බිදවැටී ඇති බවට යාත්‍රා හිමිකරු විසින් පැමිණිල්ලක් ඉදිරිපත් කර ඇති බව නාවික හමුදාව සඳහන් කරයි.
