හෙට ඉන්ධන මිල වැඩි කරයි.?

ලංකා ඛනිජ තෙල් සංස්ථාව (CPC) විසින් මාසිකව සිදු කරන ඉන්ධන මිල සංශෝධනය හෙට (31) දිනයේ සිදු කිරීමට නියමිතය.

ලෝක වෙළෙඳපොළේ බොරතෙල් සහ ඉන්ධන මිල ගණන් සීඝ්‍රයෙන් ඉහළ යාම හමුවේ මෙරට ඉන්ධන මිලේ වෙනසක් සිදු කිරීමට නියමිත බව වාර්තා වේ.

අද (30) දිනයේ ලෝක වෙළෙඳපොළේ බොරතෙල් මිල ගණන් ඉහළ ගොස් ඇත.

ඒ අනුව බො⁣රතෙල් බැරලයක මිල අමෙරිකානු ඩොලර් 100 ඉක්මවා ඇත.

WTI බොරතෙල් බැරලයක මිල අමෙරිකානු ඩොලර් 102.03 ලෙස සටහන්ව ඇත.

BRENT බොරතෙල් බැරලයක මිල අමෙරිකානු ඩොලර් 115.01 ලෙස සටහන්ව ඇත.

MURBAN බොරතෙල් බැරලයක මිල ඩොලර් 114.08 ලෙස සටහන්ව ඇත.

මේ අතර ලංකා IOC සහ සයිනොපෙක් (Sinopec) යන පෞද්ගලික ඉන්ධන සමාගම් විසින් ඔක්ටේන් 95 වර්ගයේ පෙට්‍රල් ලීටරයක මිල රුපියල් 20කින් පසුගියදා ඉහළ දැමුවේය.

මැදපෙරදිග පවතින නොසන්සුන් තත්ත්වය සහ ගෝලීය වෙළෙඳපොළේ තෙල් මිල ඉහළ යාම හේතුවෙන් එම පෞද්ගලික ඉන්ධන සමාගම් ඔක්ටේන් 95 වර්ගයේ පෙට්‍රල් ලීටරයක මිල ඉහළ දැමුවේය.

ඒ අනුව රුපියල් 475ක්ව පැවති පෙට්‍රල් 95 ලීටරයක නව මිල රුපියල් 495කි.

මේ අතර පසුගිය ඔක්තෝබර් මස (01) වනදා සිට ක්‍රියාත්මක වන පරිදි ලංකා ඛනිජ තෙල් සංස්ථාව (CPC) විසින් ඉන්ධන මිල ගණන් සංශෝධනය කළේය.