මහා පරිමාණයෙන් ඩොලර් පිටරට යැවූ බවට චෝදනා එල්ල වූ ජෙෆ්රි මොහොමඩ් නැමැත්තාගේ මුදල් යොදවා මෙරටට නීති විරෝධී ලෙස රත්‍රන් ආනයනය කළ බව කියන සිද්ධියක් සම්බන්ධයෙන් රේගුව පුළුල් විමර්ශනයක් ආරම්භ කර ඇත.
පිටකොටුවේ රන් භාණ්ඩ වෙළෙඳසැල් හිමිකරුවෙකු සම්බන්ධයෙන් එම විමර්ශනය ක්‍රියාත්මක අතර ඔහු විසින් රත්‍රන් 80Kg කට අධික ප්‍රමාණයක් මෙරටට රැගෙන විත් ඇති බව මූළික විමර්ශනයේදී හෙළිව ඇත.
මේ වනවිට එම රත්‍රන් සොයා කණ්ඩායම් කිහිපයක් පරීක්ෂණ ආරම්භ කර ඇති බව පොලීසිය සඳහන් කරයි.
භාණ්ඩ ආනයනය කරන මුවාවෙන් ඩොලර් පිටරට පටවන ව්‍යාජ සමාගම් 36ක් පිහිටවූ මහා පරිමාණ ජාවාරම්කරුවෙකු යැයි කියන ජෙෆ්රි මොහොමඩ් නැමැත්තා මේ වනවිට රක්ෂිත බන්ධනාගාරයේ සිටියි.
