හූති සටන්කාමීන් විසින් සෞදි අරාබියේ දකුණු ප්‍රදේශය ඉලක්ක කරමින් එල්ල කරන ලද බැලස්ටික් මිසයිල 10ක් උඩුගුවනේදී විනාශ කිරීමට සමත් වූ බව සෞදි අරාබිය සඳහන් කරයි.
හූති සන්නද්ධ කණ්ඩායම විසින් දකුණු කලාපය දෙසට එල්ල කරන ලද මිසයිල 10ක් හඳුනාගෙන විනාශ කළ බව සෞදි අරාබිය ප්‍රමුඛ සන්ධානයේ ප්‍රකාශක මේජර් ජෙනරාල් තුර්කි අල්-මාල්කි සඳහන් කරයි.
මේ අතර රතු මුහුදට පිවිසෙන ප්‍රධාන මුහුදු මාර්ගයක් වන බාබ් අල්-මන්දෙබ් සමුද්‍ර සන්ධිය ආසන්නයේ හූතිවරුන්ගේ පාලනය යටතේ පවතින වෙරළබඩ ප්‍රදේශ යළි අත්පත් කර ගැනීම සඳහා යේමන රජයේ හමුදා ප්‍රතිප්‍රහාර දියත් කර ඇත.
