පසුගිය වසරේදී අරුණ විදානගමගේ නොහොත් “කජ්ජා” සහ ඔහුගේ දරු දෙදෙනා වෙඩි තබා ඝාතනය කිරීමේ සිද්ධියට අදාළව අනූෂා ලක්මාලි නොහොත් “අචිනි” නම් කාන්තාව අපරාධ පරීක්ෂණ දෙපාර්තමේන්තුවේ නිලධාරීන් විසින් අත්අඩංගුවට ගත්තේය.
ඒ, ඩුබායි රාජ්‍යයේ සිට මෙරටට පිටුවහල් කිරීමෙන් අනතුරුව මෙරටට පැමිණි අනූෂා ලක්මාලි නොහොත් “අචිනි” කටුනායක ගුවන්තොටුපොළේදී අපරාධ පරීක්ෂණ දෙපාර්තමේන්තුවේ නිලධාරීන් විසින් අත්අඩංගුවට ගත්තේය.
ඒ අනුව “කජ්ජා” සහ ඔහුගේ දරු දෙදෙනා ඝාතනය කිරීමේ සිද්ධියට අදාළව අත්අඩංගුවට ගත් අනූෂා ලක්මාලි නොහොත් “අචිනි” නම් කාන්තාව එළැඹෙන නොවැම්බර් (04) වන දින දක්වා රක්ෂිත බන්ධනාගාර ගතකර ඇත.
අපරාධ පරීක්ෂණ දෙපාර්තමේන්තුව ජාත්‍යන්තර පොලිසිය හරහා අදාළ කාන්තාවට රතු වරෙන්තුවක් නිකුත් කරනු ලැබු අතර එහි ප්‍රතිඵලයක් ලෙස අදාළ කාන්තාව ඉකුත් අගෝස්තු (30) වැනිදා ඩුබායි හී සාජා නුවර සිට මෙරටට පැමිණීමට යෑමේදී එරට පොලිසිය මගින් අත්අඩංගුවට ගෙන ඇත.
