ත්රිකුණාමලය බුදු පිළිම සිදුවීම සම්බන්ධව රක්ෂිත බන්ධනාගාරගත කර සිටින පූජ්ය බලංගොඩ කස්සප හිමියන් සහ භික්ෂුන් වහන්සේලා සිව්නම ඇතුළු සැකකරුන් අද (02) දින ත්රිකුණාමලය මහේස්ත්රාත් අධිකරණය වෙත ඉදිරිපත් කළේය.
අධිකරණය වෙත ඉදිරිපත් කිරීමෙන් අනතුරුව පූජ්ය බලංගොඩ කස්සප හිමි ඇතුළු බෞද්ධ භික්ෂූන් වහන්සේලා සිව්දෙනෙකු සහ තවත් හය දෙනෙකු පෙබරවාරි (09) වන දින දක්වා තවදුරටත් රක්ෂිත බන්ධනාගාර ගත කිරීමට අධිකරණය නියෝග කර ඇත.
ත්රිකුණාමලය කොටුව පාරේ පිහිටි ශ්රී සම්බුද්ධ ජයන්ති බෝධිරාජ විහාරස්ථානයේ විහාරාධිපති පූජ්ය ත්රිකුණාමලය කල්යාණවංශ තිස්ස හිමියන්, පූජ්ය බලංගොඩ කස්සප හිමියන්, පූජ්ය ත්රිකුණාමලය සුඛිතවංශ තිස්ස හිමියන් සහ පූජ්ය නන්ද හිමියන් මෙම සිදුවීමට ඇතුළත් වේ.
