කොබෙයිගනේ පොලිස් භාරයේ සිටි සැකකරුවෙක් රෝහල් ගතකිරීමෙන් පසුව මියගොස් ඇත.
කොබෙයිගනේ, බැද්දේගම ප්‍රදේශයේදී සොරකම් කිහිපයකට සම්බන්ධ බව කියන පුද්ගලයෙකු ගම්වාසීන් විසින් අල්ලා කොබෙයිගනේ පොලිසියට භාරදී ඇත.
පසුගිය (25) වනදා දහවල් මෙම සැකකරු කොබෙයිගනේ පොලිසියට භාරදී ඇති අතර අනතුරුව දින දෙකක් පුරා එම සැකකරු පොලිස් අත්අඩංගුවේ සිට ඇත.
අනතුරුව ඇතිවු අසනීප තත්ත්වයක් හේතුවෙන් (27) රාත්‍රියේදී එම සැකකරු නිකවැරටිය රෝහලට ඇතුළත් කර ඇති අතර එහිදී ඔහු මියගොස් ඇති බව වාර්තා වේ.
එම සැකකරුගේ මරණයෙන් පසුව ඔහුව අල්ලා පොලිසියට භාරදුන් ප්‍රදේශවාසීන් පස් දෙනෙකු කොබෙයිගනේ පොලිස් නිලධාරීන් විසින් අත්අඩංගුවට ගෙන ඇත.
කෙසේ වෙතත් අත්අඩංගුවට ගත් පුද්ගලයින්ගේ ඥාතීන් චෝදනා කරන්නේ, එම සැකකරු අල්ලාගෙන ගසක බැඳ පැයක් ගතවීමටත් මත්තෙන් පොලිසිය දැනුවත් කර නිරපද්‍රිතව පොලිසියට භාර දුන් බවයි.
