මෙට්‍රික් ටොන් 3,900ක ගෑස් තොගයක් රැගත් CORINTHIAN නෞකාව ඊයේ (22) දින මෙරටට ළඟා වූ බැවින් ඉදිරි දින තුන ඇතුළත ලිට්‍රෝ ගෑස් 350,000ක් වෙළෙඳපොළට බෙදා හැරීමට නියමිත බව ලිට්‍රෝ ගෑස් සමාගම සඳහන් කරයි.
එම නෞකාවේ ගෑස් ගොඩබෑමේ කටයුතු ඊයේ පස්වරුවේ සිටම ආරම්භ කර ඇති බැවින් ගෑස් සිලින්ඩර 350,000ක ප්‍රමාණය වෙළඳපොළට නිකුත් කිරීමට හැකියාව ඇති බවද ලිට්‍රෝ ගෑස් සමාගම සඳහන් කරයි.
මෙම ගෑස් තොගය ලැබීමත් සමග දිවයින පුරා ගෑස් බෙදාහැරීම අඛණ්ඩව සිදුකරන බැවින් සුපුරුදු පරිදි ගෑස් සිලින්ඩර ලබා ගැනීමේ පහසුකම පාරිභෝගිකයින්ට පවතින බවද ලිට්‍රෝ ගෑස් සමාගම සඳහන් කරයි.
එනිසා අනවශ්‍ය ලෙස ගෑස් තොග රැස්කර ගැනීමෙන් වළකින ලෙසද ලිට්‍රෝ ගෑස් සමාගම පාරිභෝගිකයින්ගෙන් ඉල්ලීමක් කරයි.
