එංගලන්තයේදී තියුණු ආයුධයකින් පහරදී ඝාතනය කළ ශ්රී ලාංකික කාන්තාවක් වන 32 හැවිරිදි නිරෝධා නිවුන්හැල්ලගේගේ ඝාතන සිද්ධිය සම්බන්ධව තිසර වේරගලගේ නම් ශ්රී ලාංකිකයා වරද පිළිගෙන ඇත.
2025 වසරේ අගෝස්තු (21) වනදා එංගලන්තයේ වේල්සයේ කාඩිෆ් නගරයේ රිවර්සයිඩ් ප්රදේශයේ නවතා තිබූ රථ වාහන දෙකක් මධ්යයේ තිබී බරපතළ කැපුම් තුවාල සහිතව නිරෝධාගේ සිරුර සොයාගෙන ඇත.
එම අවස්ථාවේදී ඇයගේ සිරුර හමු වූ ස්ථානයට ආසන්න ප්රදේශයක සිටි තිසර වේරගලගේ එරට පොලීසි විසින් අත්අඩංගුවට ගත්තේය.
ඔහු කලකට පෙර නිරෝධාට හිතවත්ව සිටි ඇය හඳුනන පුද්ගලයෙකු නමුත් ඒ වන විට වේල්ස් අගනුවරම වෙනත් තැනක ඔහු පදිංචිව සිට ඇත.
මෙම සැකකරු පසුගිය (12) වනදා නැවතත් නිව්පෝර්ට් ක්රවුන් අධිකරණයට ඉදිරිපත් කර ඇති අතර එහිදී සැකකරු නිරෝධාගේ ඝාතනයේ වරද පිළිගෙන ඇත.
ඒ අනුව 32 හැවිරිදි නිරෝධා නිවුන්හැල්ලගේ ඝාතනයට ඔහුට හිමි දඬුවම එළැඹෙන පෙබරවාරි මස (20) වනදාට තීන්දු කිරීමට එරට අධිකරණය නියම කර ඇත.
