විදේශ ගමන් බලපත්‍ර ලබා ගැනීම සඳහා ප්‍රාදේශීය කාර්යාල වලින් මාර්ගගතව (Online) වේලාවන් වෙන්කර ගැනීමේ පහසුකම (29) වැනිදා සිට ක්‍රියාත්මක කිරීමට ආගමන හා විගමන දෙපාර්තමේන්තුව පියවර ගෙන ඇත.
මෙම නව පහසුකම මහනුවර, යාපනය, කුරුණෑගල, වවුනියාව සහ මාතර යන ප්‍රාදේශීය කාර්යාල හරහා ලබාගත හැකි බව එම දෙපාර්තමේන්තුව සඳහන් කරයි.
ඒ අනුව, මහජනතාවට ආගමන හා විගමන දෙපාර්තමේන්තුවේ නිල වෙබ් අඩවියට පිවිස දිනයක් සහ වේලාවක් වෙන්කරවා ගැනීමට හැකියාව ඇත.
