උදය ගම්මන්පිලගේ පාස්කු ඉරිදා මහ මොළකරු කෘතිය එළිදැක්වීමේ උත්සවයට විපක්ෂ නායක සජිත් ප්රේමදාස සහභාගී වූ බවට තමා කිසිසේත් විශ්වාස නොකරන බව පාර්ලිමේන්තු මන්ත්රී නලීන් බණ්ඩාර සඳහන් කරයි.
පාස්කු ප්රහාරයට වගකිවයුතු පොඩි මොළ කාරයෝ එතන සිටි බවත් විපක්ෂ නායක සජිත් ප්රේමදාස එම අවස්ථාවට එක්ව සිටින අයුරු දැක්වෙන දර්ශන කෘත්රිම බුද්ධිය (AI) භාවිත කරමින් නිර්මාණය කරන ලද ඒවා බවද මන්ත්රී නලීන් බණ්ඩාර සඳහන් කරයි.
සහරාන්ට වඩා බලවත් මහ මොළකරුවකු මෙම ප්රහාරය පිටුපස සිටින බවත් එම පුද්ගලයා කවුරුන් වුවද ඔහු තවමත් ජීවතුන් අතර සිටින බව තමා විශ්වාස කරන බවද මන්ත්රී නලීන් බණ්ඩාර සඳහන් කරයි.
මාධ්ය වෙත අදහස් දක්වමින් මන්ත්රී නලීන් බණ්ඩාර සඳහන් කළේ,
“එතුමගෙන් තමා අහන්න ඕන. මම හිතන්නේ එතුමා නෙමෙයි ගියේ. AI වලින් එතුමාව දාලද කොහෙදෝ. එතුමාට යන්න බෑ එතනට. මම විශ්වාස කරන්නේ නෑ එතුමා ගියා කියලා.”
