හූති කැරලිකරුවන් නැවතත් සෞදි අරාබියේ රියාද් නුවර පිහිටි කිං ඛාලිඩ් ජාත්‍යන්තර ගුවන්තොටුපළ භාවිත කිරීමෙන් වළකින ලෙස අනතුරු ඇඟවීමක් නිකුත් කර ඇත.
ගුවන්තොටුපළේ මෙහෙයුම් කටයුතු සඳහා අද (25) සිට ගුවන් ගමන් සඳහා පර්යන්ත දෙකක් වෙන් කරන බව එම ගුවන්තොටුපළ බලධාරීන් නිවේදනය කර පැය කිහිපයකට පසුව මෙම අනතුරු ඇඟවීම නිකුත් කර ඇත.
කිං ඛාලිඩ් ජාත්‍යන්තර ගුවන්තොටුපළ තවදුරටත් “හමුදා ඉලක්කයක්” ලෙස සලකන බවත් ගුවන්තොටුපළ ඉලක්ක කර ගනිමින් සිදුකරන මෙහෙයුම් අඛණ්ඩව පවත්වාගෙන යන බව හූති හමුදා ප්‍රකාශකවරයා සඳහන් කර ඇත.
එනිසා ගුවන්තොටුපළ භාවිත කිරීමෙන් වළකින ලෙස සියලුම ගුවන් සමාගම්, ගුවන්තොටුපළ සේවකයන් සහ ගුවන් මගීන් වෙත හූති හමුදා ප්‍රකාශකවරයා අනතුරු ඇඟවීමක් නිකුත් කර ඇත.
