Local news (Sinhala)

ශ්‍රී ලංකා මහ බැංකුව නිවේදනයක් නිකුත් කරමින් සදහන් කළේ, රුපියල් මිලියන එක්ලක්ෂ පනස් පන් දහසක් වටිනා භාණ්ඩාගාර බිල්පත් වෙන්දේසියක් ජනවාරි (22) වනදා පවත්වන බවයි.

දින 91න් කල් පිරෙන රුපියල් මිලියන 35,000ක භාණ්ඩාගාර බිල්පත්, දින 182න් කල් පිරෙන රුපියල් මිලියන 50,000ක භාණ්ඩාගාර බිල්පත් සහ දින 364න් කල් පිරෙන රුපියල් මිලියන 70,000ක භාණ්ඩාගාර බිල්පත් ‌එදින ‌වෙන්දේසි කිරීමට නියමිතය.

මෙම වෙන්දේසිය සදහා ලංසු භාර ගැනීම ජනවාරි (22) වනදා දහවල් 11.00 දක්වා සිදුකෙරෙන බවත් ලංසුවක් සදහා අවම මුදල රුපියල් මිලියන පහක් බව ශ්‍රී ලංකා මහ බැංකුව නිවේදනය කරයි.

මෙම භාණ්ඩාගාර බිල්පත් සදහා ගෙවීම් ජනවාරි (24) වනදා සිදුකිරීමට නියමිතය.

අද (19) දින දුම්රිය රියදුරු සේවා වාරවලට වාර්ථා නොකිරීම හේතුවෙන් දුම්රිය ගමන් වාර 28ක් අවලංගු කර ඇත.

ඒ අනුව ප්‍රධාන මාර්ගයේ 16ක් ද, මුහුදුබඩ මාර්ගයේ ගමන් වාර 8ක්, පුත්තලම් මාර්ගයේ ගමන් වාර 4ක් අවලංගු කර ඇත.

කෙසේ වෙතත් අද දින පස්වරුව වන විට අවලංගු වන ගමන්වාර සංඛ්‍යාව ඉහළ යනු ඇති බව දුම්රිය වෘත්තය සමිති සදහන් කරයි.

එහෙත් දුම්රිය දෙපාර්තමේන්තුව සදහන් කළේ, දුම්රිය ගමන්වාර අවලංගුවීම අද සවස 3.00න් පසුව යථා තත්ත්වයට පත් කිරීමට හැකි බවයි.

බස් රථ දෙකක් මාතර – තංගල්ල ප්‍රධාන මාර්ගයේ ගන්දර තලල්ල ප්‍රදේශයේදී මුහුණට මුහුණ ගැටී බිහිසුණු අනතුරක් සිදුව ඇත.

ඇඹිලිපිටිය සිට මාතර දක්වා සහ මාතර සිට තංගල්ල දක්වා ධාවනය වූ බස් රථ දෙකක් මෙලෙස අනතුරට පත්ව ඇති අතර අනතුරින් පුද්ගලයින් 35කට අධික පිරිසක් තුවාල ලබා ඇති බව වාර්තා වේ.

එම තුවාලකරුවන් අතුරින් 29 දෙනෙකු ගන්දර රෝහලට සහ තවත් පුද්ගලයින් 6 දෙනෙකු මාතර රෝහලටත් මේ වනවිට ඇතුළත් කර ඇති බව වාර්තා වේ.

දිවයින පුරා පිහිටි රජයේ වී ගබඩා සදහා වී තොග ගෙනවිත් භාරදෙන ගොවීන්ට සහතික මිලට අමතරව වී කිලෝවක් සදහා තවත් රුපියල් 2ක මුදලක් ලබාදෙන බව නියෝජ්‍ය අමාත්‍ය නාමල් කරුණාරත්න සදහන් කරයි.

යම් වී ප්‍රමාණයක් රජයේ ගබඩා සදහා ගෙනවිත් භාරදෙන ලෙසත් ඇතැම් දිස්ත්‍රික්කවල වී මිලදී ගැනීමේ කටයුතු මේ වනවිට ආරම්භ කර ඇති බවද නියෝජ්‍ය අමාත්‍ය නාමල් කරුණාරත්න සදහන් කරයි.

වී සදහා සහතික මිලක් නියම කිරීමට බලාපොරොත්තු වන බවත් තවත් සති දෙකක් ඇතුලත සහල් ගැටලුව සම්පූර්ණයෙන්ම අවසන් කිරීමට බලාපොරොත්තු වන බවද නියෝජ්‍ය අමාත්‍ය නාමල් කරුණාරත්න සදහන් කරයි.

ඇඹිලිපිටිය වී ගබඩා සංකීරණයේ නිරීක්ෂණ චාරිකාවකට එක් වෙමින් නියෝජ්‍ය අමාත්‍යවරයා මේ බව සදහන් කරයි.