By unusuma.lk on
(LK time)පසුගිය පොසොන් පොහොය නිමිත්තෙන් සංවිධානය කර තිබූ පොසොන් බත් දන්සලක කරවල හොදි කල්දේරමට ඇද වැටීමෙන් බරපතළ පිළිස්සුම් තුවාල ලබා ප්රතිකාර ලබමින් සිටි 9 හැවිරිදි පාසල් ශිෂ්යාවක මියගොස් ඇති බව පානදුර දකුණ පොලිසිය පවසයි.
මෙම අවාසනාවන්ත ඉරණමට ගොදුරුව ඇත්තේ පානදුර, බෙක්කේගම ප්රදේශයේ පදිංචිව සිටී ශයනි මෙතුම්සා නමැති පාසැල් දැරියක බව සදහන්.
පසුගිය 23 දින පානදුර ප්රදේශයේ පිරිසක් විසින් පොසොන් පොහොය නිමිත්තෙන් සංවිධානය කළ බත් දන්සලක දැරිය සිය මව සමග රැදී සිටීයදී දැරිය කරවල හොදි කල්දේරමට ඇද වැටී ඇති බව පැවසේ.
කෙසේවෙතත් අනතුරෙන් බරපතල තුවාල ලබා සිටි දැරිය පානදුර මූලික රෝහලට ඇතුළත් කිරීමෙන් පසු, වැඩිදුරටත් ප්රතිකාර සඳහා කොළඹ රිජ්වේ ආර්යා රෝහලට මාරු කර යවා සිටියදී මියගොස් ඇති බව රෝහල් ආරංචි මාර්ග පවසයි.