අද (14) දින කැලණිය සහ ගම්පහ ප්‍රදේශ රැසකට පැය 13යි විනාඩි 30ක කාලයක් ජල සැපයුම අත්හිටුවන බවට ජාතික ජලසම්පාදන හා ජලාපවහන මණ්ඩලය දැනුම්දීමක් කරයි.
බියගම ජල පවිත්‍රාගාරයට විදුලිය සපයන පද්ධතියේ අත්‍යවශ්‍ය නඩත්තු කටයුත්තක් හේතුවෙන් අද පෙරවරු 8.30 සිට රාත්‍රී 10.00 දක්වා ජල සැපයුම අත්හිටුවීමට නියමිතය.
මෙම ජල කප්පාදුවට පෑලියගොඩ, වත්තල – මාබෝල, ජාඇල සහ කටුනායක – සීදූව නගර සභා බලප්‍රදේශ ඇතුළත්ය.
කැලණිය, වත්තල, බියගම, මහර, දොම්පේ සහ ජාඇල ප්‍රාදේශීය සභා බලප්‍රදේශ වලට මෙන්ම කටාන, මිනුවන්ගොඩ සහ ගම්පහ ප්‍රාදේශීය සභා බලප්‍රදේශවල කොටසකටද ජල සැපයුම අත්හිටුවනු ඇත.
