දූෂණ චෝදනාවක් සම්බන්ධව හිටපු ජනාධිපති මහින්ද රාජපක්ෂගේ පුත් යෝෂිත රාජපක්ෂ සහ හිටපු නාවික හමුදාපති වසන්ත කරන්නාගොඩට එරෙහිව අල්ලස් කොමිසම විසින් ගොනුකර තිබෙන නඩුව, විභාගය සඳහා දින නියම කර ඇත.
ඒ අනුව යෝෂිත රාජපක්ෂ සහ වසන්ත කරන්නාගොඩට එරෙහිව අල්ලස් කොමිසම විසින් ගොනුකර තිබෙන නඩුව, විභාගය සඳහා ලබන නොවැම්බර් මස (23) වැනිදා කැඳවන ලෙස කොළඹ මහාධිකරණය අද (28) දින නියෝග කළේය.
මෙම නඩුකරයට අදාළ පූර්ව නඩු විභාග සම්මන්ත්‍රණය අවසන් කිරීමෙන් පසු කොළඹ මහාධිකරණ විනිසුරු රවින්ද්‍ර ප්‍රේමරත්න විසින් මෙම නියෝගය නිකුත් කළේය.
නිසි සුදුසුකම් සපුරා නොතිබියදී යෝෂිත රාජපක්ෂව බ්‍රිතාන්‍යයේ රාජකීය නාවික හමුදා පුහුණු විද්‍යාලයේ පුහුණුවකට යැවීම තුළින් ‘දූෂණය’ නමැති වරද සිදුකළ බවට චෝදනා කරමින් අල්ලස් කොමිසම විසින් මෙම නඩුව ගොනු කර ඇත.
