By unusuma.lk on (LK time)
මෙම උත්සව සමයේ අන්තර්ජාලය හරහා සිදුවන මුදල් වංචා කිරීමේ සිද්ධීන් ඉහළ ගොස් ඇති බව ශ්‍රී ලංකා පරිගණක හදිසි ප්‍රතිචාර සංසදයේ ප්‍රධාන තොරතුරු ආරක්ෂණ නිලධාරී නිරෝෂ් ආනන්ද සදහන් කරයි.
පාරිභෝගිකයින් වෙත දුරකතන ඇමතුම් ලබා දෙමින් යම් යම් ත්‍යාග දිනා ඇති බව පවසමින් මුදල් වංචා කිරීම් සම්බන්ධව මේ වනවිට පැමිණිලි ලැබී ඇති බවද ආරක්ෂණ නිලධාරී නිරෝෂ් ආනන්ද සදහන් කරයි.
AI තාක්ෂණය භාවිත කරමින් සිදුවන යම් යම් අක්‍රමිකතා සම්බන්ධවද මේ වනවිට පැමිණිලි වාර්තා වී ඇති බවත් මෙවැනි ඇමතුම් සහ සිදුවීම්වලින් ආරක්ෂා වීම සදහා මහජනතාව විශේෂ අවධානයක් යොමු කළ යුතු බවද නිලධාරී නිරෝෂ් ආනන්ද සදහන් කරයි.
