Foreign news (Sinhala)

Safe Air ගුවන් සමාගමට අයත් Safe Air Boeing 727-200F යානය සිය ගමන නිමවා දකුණු සුඩානයේ මලකල් ගුවන් තොටුපළේදී ගොඩබැස්වීමට යාමේදී එහි ටයරයක් පුපුරා ගොස් නියමුවාගේ පාලනයෙන් ගිලිහී අසල තිබු MD-82 යානාව ගැටී ඇත.

සිදුවු මෙම ගැටීමෙන් පසු Boeing 727 යානයේ කොටස් දෙකකට කැඩී ගිය අතර එහි සිටි සියලු දෙනාම සුළු තුවාල සහිතව යානයෙන් බැස ඇති බවත් යානයේ යට මැදිරිය කඩා වැටී කොටස් දෙකකට කැඩී ගිය බවද විදෙස් මාධ්‍ය වාර්තා කරයි.

අප්‍රිකානු එක්ස්ප්‍රස් එයාර්වේස් MD-82 යානය පසුගිය පෙබරවාරි මාසයේදී එම ගුවන් තොටුපලේදීම ධාවන පථයේ ගොඩබෑමෙන් පසුව යානයට හානි සිදුව ඇති බවද විදෙස් මාධ්‍ය වාර්තා කරයි.

රුසියාවට එල්ල වූ දරුණුතම ත්‍රස්ත ප්‍රහාරය ලෙස මොස්කව් නුවර ක්‍රෝකස් නගර ශාලා රඟහලට එල්ල වු ප්‍රහාරය සම්බන්ධයෙන් තවත් සැකකරුවන් 09 දෙනෙක් අත්අඩංගුවට ගැනීමට තජිකිස්තානය කටයුතු කර ඇති බව විදෙස් මාධ්‍ය වාර්තා කරයි.

අත්අඩංගුවට ගත් එම පුද්ගලයින් ISIS සංවිධානයට සම්බන්ධ බවට සැක කෙරෙන අතර ඔවුන් තජිකිස්තාන වක්දාත් නම් නගරයේදී අත්අඩංගුවට ගෙන එරට අගනුවර වෙත රැගෙනවිත් ඇති බව එරට ජාතික ආරක්ෂක කමිටුව සදහන් කරයි.

එම ත්‍රස්ත ප්‍රහාරයෙන් පුද්ගලයින් 143 දෙනෙකු ජීවිතක්ෂයට පත්වී 180 දෙනෙකු තුවාල ලබා ඇති බවත් තවත් පිරිසක් තවමත් අතුරුදන්ව ඇති බවද විදෙස් මාධ්‍ය වාර්තා කරයි.

ඇෆ්ගනිස්තානයේ තලෙයිබාන් නායක මුල්ලා හිබතුල්ලා අකුන්සාදා විසින් එරට කාන්තාවන් සම්බන්ධයෙන් නිල නිවේදනයක් නිකුත් කර ඇති බව විදෙස් මාධ්‍ය වාර්තා කරයි.

ඇෆ්ගනිස්තානයේ අනාචාරයේ හැසිරෙන කාන්තාවන් ප්‍රසිද්ධියේ ගල් ගසා මරණයට පත්කිරීමේ දඬුවම යළිත් ක්‍රියාත්මක කිරීමට තීරණය කළ බව එම නිවේදනයෙන් සදහන් කර ඇත.

තවද රටේ පාලනය ලබාගැනීමෙන් පමණක් තලෙයිබාන් සංවිධානයේ කටයුතු අවසන් නොවන බවද සිය තීරණය නිවේදනය කරමින් තලෙයිබාන් නායකයා ප්‍රකාශ කර ඇත.

මේ සම්බන්ධයෙන් එක්සත් ජාතීන්ගේ සංවිධානය සදහන් කළේ, ඇෆ්ගනිස්තානයේ කාන්තාවන් හා දැරියන් සම්බන්ධයෙන් පවතින කොන්දේසි, ගෝලීය වශයෙන් ඉතාම දරුණු තත්ත්වයක පවතින බවයි.

ඉන්දියන් සාගරයේ මුහුදු පතුල ගවේෂණය කිරීම සඳහා බලපත්‍ර දෙකක් ඇති ඉන්දියාව සාගර පතුලේ සැඟවී ඇති වටිනා ඛනිජ සොයා යාමේ ගවේෂණයක් සඳහා තවත් පියවරක් තබමින් සිටින බව විදෙස් මාධ්‍ය වාර්තා කරයි.

ගෝලීය බලවතුන් අතර පවතින තරගය මධ්‍යයේ තවත් බලපත්‍ර දෙකක් ලබා ගැනීම සඳහා ඉන්දියාව ඉල්ලුම් කර ඇති අතර සාගර පෘෂ්ඨයේ සිට මීටර් දහස් ගණනක් පහළින් හමුවන කොබෝල්ට්, නිකල්, තඹ, මැංගනීස් වැනි විශාල ඛනිජ සම්පත් නිධි වෙත ළඟා වීමට චීනය, රුසියාව සහ ඉන්දියාව තරග කරමින් සිටියි.

කොබෝල්ට්, නිකල්, තඹ, මැංගනීස් වැනි විශාල ඛනිජ සම්පත් දේශගුණික විපර්යාසයන්ට එරෙහිව සටන් කිරීමට අවශ්‍ය සූර්ය හා සුළං බලය, විද්‍යුත් වාහන, බැටරි තාක්ෂණය වැනි පුනර්ජනනීය බලශක්තිය නිෂ්පාදනය කිරීමට යොදාගනී.

මේ වන විට ගවේෂණ බලපත්‍ර 31ක් එක්සත් ජාතීන්ගේ සංවිධානයට අනුබද්ධිත ජාත්‍යන්තර මුහුදු පත්ල පිළිබඳ අධිකාරිය (International Seabed Authority – ISA) විසින් නිකුත් කරනු ලැබ ඇති අතර ඉන් 30ක් සක්‍රීයව පවතියි.

භූ දේශපාලනික, සැපයුම් දාම පිළිබඳ බුද්ධි තොරතුරු සපයන Horizon Advisoryහි සම-නිර්මාතෘ නේතන් පිකාර්සික් සදහන් කළේ,

” ඉන්දියන් සාගරය කියලා කියන්නේ වටිනා සම්පත් තියෙන්න පුළුවන් තැනක්. ඒවා පුළුල් වපසරියක විහිදිලා තියෙන නිසා තමයි සාගර පතුල පිළිබඳව සිදු කරන විද්‍යාත්මක ගවේෂණ වැඩි කරන්න ඉන්දියානු රජය පෙළඹුණේ.”