By unusuma.lk on (LK time)
විවෘත වරෙන්තු ලැබ සිටි දේශබන්දු තෙන්නකෝන් සැගවී සිටි ස්ථානයන් පිළිබදව අසත්‍ය ප්‍රකාශයක් කර ඇති බව අතිරේක සොලිසිටර් ජනරාල් දිලීප පීරිස් මහතා අද (03) මාතර මහේස්ත්‍රාත් අධිකරණයට දැනුම් දුන්නා.
දේශබන්දු තෙන්නකෝන් සැගවී සිටි බව කියන ස්ථානය පරීක්ෂා කළත් අපරාධ පරීක්ෂණ නිලධාරින්ට ඔහු සදහන් කළ ආකාරයේ කරුණු සනාතා කිරීමට හැකි සාක්ෂි නොලැබුනු බව අතිරේක සොලිසිටර් ජනරාල්වරයා අණාවරණය කළේය.
අතිරේක සොලිසිටර් ජනරාල්වරයා සදහන් කළේ,
“මොහු කියන විදිහට ඔබතුමන්ගේ අධිකරණයෙන් පෙබරවාරි (27) අත්අඩංගුවට ගන්න නියෝග නිකුත් කරන වෙලාවේ මොහු බැට්මින්ටන් ගහමින් ඉදලා තියෙන්නේ.
මොහුව අත්අඩංගුවට ගන්න සොයනවා කියලා දැන ගත්තම හෝකන්දර නිවසට ගිහින් ඩෙනිමකුයි, ටී ශර්ට් එකකුයි ඇදගෙන, මුඛ ආවරණයක් සහ හිස් ආවරණයක් පැලඳ ත‍්‍රිරෝද රථයකින් ගිරිඋල්ලේ පිහිටි ඔහුගේ නිවසට යාමට පිටත් වෙලා.
ඒ අවස්ථාවේදී ඔහු ඔහුගේ ජංගම දුරකථන දෙකත් ක‍්‍රියාවිරහිත කරාලු. ගිරිඋල්ලේ නිවසට ගියාට පසු ත‍්‍රීරෝද රථ රියදුරුට මොහු රුපියල් පහලොස්දාහක් දුන්නා කියනවා.
මොහු කියන විදිහට ත‍්‍රිරෝද රථයට නැඟලා තියෙන්නේ කොස්වත්ත හන්දියෙන්. අපි එතන සීසීටීවී කැමරා දර්ශන පරීක්ෂා කළා. මොහු ගිහින් තියෙන්නේ ත‍්‍රිරෝද රථයකින් නොවේ.
මොහු මොහුගේ සමීප මිතුරෙක් වන බාර් 12ක හිමිකරුවෙක් වන සුරංග වීරසූරිය කියන ව්‍යාපාරිකයෙකුගේ එක්කෝටි හැට පන් ලක්ෂයක් වටිනා මොන්ටෙරෝ වර්ගයේ ජීප් රථයකින් තමා ගිරිඋල්ලට ගිහින් තියෙන්නේ.”
