ලතින් අමෙරිකා කලාපයට අයත් කියුබාව දශක ගණනක් තිස්සේ අර්බුදයක පවතින බැවින් ජනාධිපති ඩොනල්ඩ් ට්රම්ප්ගේ මීළග ඉලක්කය කියුබාව බව වාර්තා වේ.
කියුබාව යටත් කරගෙන කියුබා වැසියන් මර්දනකාරී පාලනයෙන් නිදහස් කර ගැනීමට තමන් සූදානම් යැයි අමෙරිකා ජනාධිපති ඩොනල්ඩ් ට්රම්ප් සඳහන් කරයි.
ධවල මන්දිරයේදී මාධ්යවේදීන් වෙත අදහස් දක්වමින් ජනාධිපති ඩොනල්ඩ් ට්රම්ප් සඳහන් කළේ,
“කියුබාව සහ අමෙරිකාව අතරේ අර්බුදය මට මගේ ජීවිත කාලය පුරාවට අසන්න ලැබුණා. හුඟ දෙනෙක් මගෙන් අහන්නේ කියුබාව සමග අර්බුදය අවසන් කරන්නේ කවද්ද කියලයි. මා හිතන්නේ මම ඒ අර්බුදය අවසන් කරනවා. කියුබාව යටත් කර ගැනීම මට ලොකු ගෞරවයක් වේවි.”
“කියුබාව දැන් දුර්වලයි. මා කැමතියි කියුබාවේ පීඩිත පාලනය අවසන් කරලා දාන්න. කියුබානු වැසියන්ට හැකිවේවි ඔවුන්ගේ නිදහස සොයා ගන්න. ජනතා හිතවාදී පාලනයක් ස්ථාපිත කරගන්න.”