පානීය ජලය මට්ටු කරයි.!

පාරිභෝගික කටයුතු අධිකාරිය විසින් බෝතල් කළ පානීය ජලය සඳහා උපරිම සිල්ලර මිලක් නියම කරමින් අතිවිශේෂ ගැසට් නිවේදනයක් නිකුත් කර තිබේ.

එම ගැසට් නිවේදනයේ සඳහන් කර ඇත්තේ, අප්‍රේල් 1 වන දා සිට මෙය බලාත්මක වන බව ය.

ඒ අනුව, මිලි ලීටර් 500ත් 999ත් අතර වන එක් බෝතලයක් රුපියල් 70ක මිලකට ද ලීටර් 1ත් 1.499 අතර එක් බෝතලයක් රුපියල් 100කටත් ලීටර් 1.5ත් ලීටර් 1.999ත් අතර වන එක් බෝතලයක් රුපියල් 130කටත් උපරිම සිල්ලර මිලක් නියම කර ඇත.

තව ද, ලීටර් 2 ත් ලීටර් 2,499 අතර වන එක් බෝතලයක් රුපියල් 160ක් වන අතර ලීටර් 5ත් ලීටර් 6.999ක එක් බෝතලයක් රුපියල් 350ක් වේ.