පසුගිය 2025 වර්ෂයේ සිව්වන කාර්තුව (ඔක්තෝබර් (01) සිට දෙසැම්බර් (31) දක්වා) සහ සමස්ත වර්ෂය සඳහා දළ දේශීය නිෂ්පාදිතය ඇස්තමේන්තු ජනලේඛන හා සංඛ්යාලේඛන දෙපාර්තමේන්තුව විසින් ප්රකාශයට පත් කර ඇත.
ඒ අනුව 2024 වසරේ ස්ථාවර මිල (2015) යටතේ රුපියල් 12,508,954 මිලියන ලෙස වාර්තා වූ දළ දේශීය නිෂ්පාදිතය, 2025 වසරේදී රුපියල් 13,128,577 මිලියන දක්වා ඉහළ ගොස් ඇත.
එය 5.0%ක වර්ධනයක් ලෙස ඇස්තමේන්තු කර ඇති අතර ආර්ථිකයේ ප්රධාන සංරචක තුන වන කෘෂිකාර්මික, කර්මාන්ත සහ සේවා ක්ෂේත්රයන් 2025 වසරේදී පිළිවෙළින් 1.4%, 7.8% සහ 3.3% ලෙස වර්ධනය වී ඇති බව සඳහන් වේ.
2025 වසරේ සිව්වන කාර්තුවේ දළ දේශීය නිෂ්පාදිතය වර්ධනය 4.8%ක් ලෙස ඇස්තමේන්තු කර ඇති අතර එය වසර අවසානයේ ආර්ථික ක්රියාකාරකම්වල සෘජු වර්ධනයක් පෙන්නුම් කරන බවද සඳහන් කරයි.