By unusuma.lk on (LK time)
මීට සුළු මොහොතකට පෙර ඉන්දීය අග්‍රාමාත්‍ය නරේන්ද්‍ර මෝදි ඉන්දීය රජයට අයත් ඉන්දියා 01 දරන විශේෂ ගුවන් යානයෙන් දිවයිනට පැමිණියේය.
මෙරටට පැමිණි ඉන්දීය අග්‍රාමාත්‍යවරයා සමග ඉන්දීය විදේශ කටයුතු අමාත්‍ය ආචාර්ය එස්. ජයශංකර් ඇතුළු ඉන්දීය දූත පිරිසේ 60 දෙනෙකු පැමිණ ඇත.
ඉන්දීය අගමැතිවරයා තායිලන්තයේ බැංකොක් නුවර පැවැති බිම්ස්ටෙක් සමුළුවට සහභාගී වීමෙන් අනතුරුව තෙදින නිල සංචාරයක් සඳහා ශ්‍රී ලංකාවට පැමිණ ඇත.
විදේශ කටයුතු අමාත්‍ය විජිත හේරත් ඉන්දීය අග්‍රාමාත්‍යවරයා ඇතුළු දූත පිරිස පිළිගැනීම සඳහා කටුනායක ගුවන් තොටුපොළ අති විශේෂ අමුත්තන්ගේ මැදිරිය වෙත පැමිණ ඇත.
ඉන්දීය අගමැතිවරයා පිළිගැනීමේ නිල උත්සවය හෙට (05) පෙරවරු 9.00 ට කොළඹ නිදහස් චතුරශ්‍රයේදී පැවැත්වීමට නියමිතයි.
