හිටපු අමාත්ය කෙහෙළිය රඹුක්වැල්ල රුපියල් 748,000,000 (කෝටි 7.48)ක මුදල් සෘජුව හෝ වක්රව නීති විරෝධී ක්රියාකාරකමකින් උපලද්ද වූ මුදල් විශුද්ධිකරණය කිරීමේදී, තමාට හිමි නොවන මුදලක් බව දැන දැනම රුපියල් 30,000,000 (කෝටි 3)ක මුදලක් තම සන්තකයේ තබාගැනීම සම්බන්ධයෙන් ව්යාපාරිකයෙක්ට එරෙහිව චෝදනා එල්ල වේ.
ඒ අනුව මුදල් විශුද්ධිකරණ වරදට ආධාර හා අනුබල දුන් එම ව්යාපාරිකයා අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගෙන ඇත.
2006 අංක 05 දරණ මුදල් විශුද්ධිකරණය වැළැක්වීමේ පනතින් සංශෝධිත 2011 අංක 40 දරන මුදල් විශුද්ධිකරණය වැළැක්වීමේ පනතේ, මුදල් 3 (1) (b) සහ මුදල් විශුද්ධිකරණ වරද සඳහා ආධාර අනුබල ලබාදීමත්, මුදල් විශුද්ධිකරණ පනතේ 3 (2) වරද සිදුකිරීම යන චෝදනාවත් අදාළ ව්යාපාරිකයාට එල්ල වී ඇත.
අත්අඩංගුවට ගන්නා ලද ව්යාපාරිකයා කොළඹ ප්රධාන මහෙස්ත්රාත් අධිකරණය වෙත ඉදිරිපත් කිරීමෙන් අනතුරුව පෙබරවාරි මස (10) වනදා දක්වා රක්ෂිත බන්ධනාගාරගත කළේය.
