බලශක්ති අමාත්ය කුමාර ජයකොඩිට වහාම ධුරයෙන් ඉල්ලා අස්වන ලෙසට බල කරමින් විපක්ෂ නායකවරයා ඇතුළු සමගි ජන බලවේග මන්ත්රීවරුන් පිරිසක් මේ වනවිට පොල්දූව මංසන්ධියේ පාර්ලිමේන්තු පිවිසුම අසල දැවැන්ත විරෝධතාවයක නිරත වෙි.
මෙම විරෝධතාව සඳහා විපක්ෂ නායක සජිත් ප්රේමදාස, එම පක්ෂයේ මහලේකම් රංජිත් මද්දුම බණ්ඩාර, සමගි ජන බලවේග පාර්ලිමේන්තු මන්ත්රීවරුන් වන හර්ෂද සිල්වා, මුජිබුර් රහුමාන් ඇතුළු පක්ෂයේ මන්ත්රීවරුන් රැසක් එක්ව ඇත.
විරෝධතාව හේතුවෙන් බත්තරමුල්ල, ශ්රී ජයවර්ධනපුර සහ පොල්දූව මංසන්ධිය අවට දැඩි වාහන තදබදයක් හටගෙන ඇති අතර පාර්ලිමේන්තු පිවිසුම් මාර්ගය තාවකාලිකව අවහිර වී ඇත.
මේ හරහා ගමන් ගන්නා මහජනතාව දැඩි අපහසුතාවයට පත්ව සිටින අතර, පොලිසිය රථවාහන පාලනය සඳහා අතිරේක කණ්ඩායම් කැඳවා ඇත.
