රට තුළ පවතින ඉන්ධන අර්බුදය හමුවේ විදුලි කප්පාදුවක් සිදුකර නොමැති වුවද ඉදිරියේදී විදුලි කප්පාදුවක් සිදුකිරීමට ඉඩකඩක් පවතින බව බලශක්ති අමාත්ය කුමාර ජයකොඩි සඳහන් කරයි.
එහෙත් පුළුවන් තරම් ජනතාවට සහන සලසලා, කර්මාන්තශාලා ඇතුළු හැම දෙයක්ම සාමාන්ය විදිහට ගෙනියන්න උපරිම උත්සාහ කරන බවද අමාත්ය කුමාර ජයකොඩි සඳහන් කරයි.
අද (17) පාර්ලිමේන්තුවේදී අදහස් දක්වමින් අමාත්ය කුමාර ජයකොඩි සඳහන් කළේ,
“අපේ රජයේ කළමනාකාරීත්වය හින්දා තාම එක පැයක්, එක විනාඩියක් විදුලිය කපන්නේ නැතිව ගෙනියනවා. ඒකේ වියදමක් තියෙනවා තමා. ඒකට තමා ආණ්ඩුවක් ඉන්නේ. හැබැයි කපන්න වෙන වෙලාවකුත් තියෙන්න පුළුවන්. අපි පුළුවන් තරම් ජනතාවට සහන සලසලා, කර්මාන්ත හැම දෙයක්ම සාමාන්ය විදිහට ගෙනියන්න උපරිම උත්සාහය තමා අපි මේ ගන්නේ.”