By unusuma.lk on (LK time)
වෙළෙදපොලේ විකෘතියක් නිර්මාණය වී තිබෙන බවත් එම විකෘතිය නතර කිරීමට රජය උත්සාහ කරමින් සිටින බව ජනාධිපති අනුර කුමාර දිසානායක සදහන් කරයි.
58 වන ජාතික අලුත් සහල් මංගල්‍යය අද (04) අනුරාධපුර ඓතිහාසික ජය ශ්‍රී මහා බෝ සමිඳුන් අබියසදී ජනාධිපති අනුර කුමාර දිසානායකගේ ප්‍රධානත්වයෙන් පැවැත්වුණි.
එහිදී ජනාධිපතිවරයා සදහන් කළේ,
“ගොවි ජනතාව තමන්ගේ අස්වැන්න අලෙවි කිරීම සදහා විශාලා ගැටලුවකට මුහුණ දී තිබෙනවා. අනිත් පැත්තෙන් පාරිභෝගික ජනතාව තමන්ට සාධාරණ මිලකට පරිභෝජනය සදහා මිලදී ගැනීමේදී වෙළෙදපොලේ විකෘතියක් තිබෙනවා.
එනිසා අපි උත්සාහ කරමින් තිබෙනවා මේ විකෘතිය නතර කරන්න. ඒ සදහා විශේෂයෙන්ම අපි මේ වෙළෙදපොල සදහා රාජ්‍ය මැදිහත්වීමට අපේක්ෂා කරනවා. රජය මැදිහත්වීම වෙළෙදපොලට. සාමාන්‍යයෙන් තර්කනයක් තියෙනවා, ඉල්ලුම සැපයුම මත මෙහි ගුණාත්මක භාවයත් මිලත් තීරණය වෙයි කියලා.
නමුත් අපි වගේ කුඩා ආර්ථිකයකට ඉල්ලුම සැපයුම මතම නියාමනයට පත් වෙන්නේ නෑ. වෙළෙදපොල තුළ ඒකාධිකාරිය නිර්මාණය වෙනවා. ඉතා කුඩා කණ්ඩායමකට මුළු වෙළෙදපොලම හසුරුවන්න පුළුවන්.
විශාල ආර්ථිකයක් නෙමෙයි අපිට තියෙන්නේ. එනිසා අද වී සහ සහල් වෙළෙදපොලේ ඇතිවී තිබෙන තත්ත්වය තමයි, ඉතා කුඩා කණ්ඩායමක් විසින් අපේ රටේ වෙළෙදපොලේ විකෘති භාවය නිර්මාණය කරලා තිබෙනවා.
එනිසා අපි ස්ථාවර තීන්දුවක් අරගෙන තිබෙනවා, අපෙ වෙළෙද ඇමතිතුමත්, කෘෂිකර්ම ඇමතිතුමත් දිගින් දිගටම සාකච්ජා කරමින්. මේ වෙළෙදපොලට රජය අවතීර්ණ විය යුතුයි. ඒ සදහා ආරම්භක ප්‍රවේශයක් හැටියට අපි වී ගබඩා ටික ප්‍රතිසංස්කරණය කරා.”
