ඉන්ධන අර්බුදය හමුවේ පාසල්වල දෛනික පරිපාලන කටයුතු හා ඉගෙනුම් ඉගැන්වීම් ක්රියාවලිය පවත්වාගෙන යෑම සම්බන්ධයෙන් අධ්යාපන, උසස් අධ්යාපන සහ වෘත්තීය අධ්යාපන අමාත්යාංශය උපදෙස් මාලාවක් නිකුත් කර ඇත.
අවධානය යොමුකර ඇති කරුණු කිහිපයක් පහතන්.
සියලුම පාසල් සතියට දින හතරක් පමණක් පැවැත්වීමට තීරණය කර ඇති අතර නැවත දැනුම්දෙන තෙක් සියලුම බදාදා දිනයන් පාසල් නිවාඩු දිනයක් සේ සලකනු ලැබේ.
සෑම සතියකම බදාදා දිනවලදී නිවසේ සිට ස්වයං ඉගෙනුම් කටයුතුවල නිරත වීම සඳහා අවශ්ය පැවරුම්, අභ්යාස, පුනරීක්ෂණ ආදිය සුදුසු පරිදි සිසුන් වෙත ලබාදීමට සියලුම විදුහල්පතිවරුන් කටයුතු කළ යුතුය.
පාසල්වල විෂය නිර්දේශ ආවරණය කිරීමට පවතින කාලය සීමා සහිත වීම නිසා පාසල මඟින් සංවිධානය කරන හෝ වෙනත් බාහිර ආයතන විසින් පාසල් තුළ ක්රියාත්මක කෙරෙන වැඩසටහන් හෝ උත්සව සඳහා පාසල් පැවැත්වෙන කාලය යොදා නොගත යුතුය.
පාසල් මඟින් පවත්වනු ලබන උත්සව හෝ වැඩසටහන් ඉන්ධන පරිභෝජනය අවම වන පරිදි පැවැත්වීමට විදුහල්පතිවරුන් කටයුතු කළ යුතු අතර අධික ලෙස ඉන්ධන භාවිත වන රථ පෙළපාලි ආදිය පැවැත්වීම තාවකාලිකව අත්හිටුවනු ලැබේ.
පාසල් අධ්යාපන චාරිකා සංවිධානය කිරීම හෝ ඉදිරි දිනවලදී යාමට සැලසුම් කර ඇති චාරිකා සඳහා සිසුන් සහභාගී කරවීම නැවත දැනුම් දෙනතුරු තාවකාලිව අත්හිටුවා ඇත.